ស្ទាវមួយក្រុមបន្លំខ្លួនជាសមត្ថកិច្ច បម្រុងប្លន់យកលុយពីជនជាតិចិន​ មានអីផ្អើលពេញមាត់ទន្លេ​ ព្រោះ​ចិន​ខឹងដេញចាក់វិញ

ចែករំលែក៖

ភ្នំពេញ៖ ហេតុការណ៍​ភ្ញាក់ផ្អើល​មួយបានកេីតឡេីង​ បន្ទាប់ពី​បុរសជនជាតិចិនម្នាក់​ បានយកកូនកាំបិតដេញចាក់យុវជនមួយក្រុមដែលបន្លំខ្លួនជាសមត្ថកិច្ច បម្រុងនិងធ្វេីសកម្មភាពប្លន់យកលុយពីជនជាតិចិនរូបនេះ ទេីប​បង្កការផ្អើលពេញមាត់ទន្លេ​ ភ្លាមៗ​កម្លាំង​នគរបាល​ខណ្ឌដូនពេញ​ ចុះទៅអន្តរគមន៍ទាន់ពេល។ ប៉ុន្តែ​ក្រុម​យុវជនមួយក្រុមដែលបន្លំខ្លួនជាសមត្ថកិច្ចនេះ​ រត់េចខ្លួនបាត់អស់។

ករណីខាងលេីនេះ​ បានកេីតឡេីង​នៅវេលាម៉ោង១០យប់ ថ្ងៃទី២៩ ខែមីនា ឆ្នាំ​២០២១​ ស្ថិតនៅតាមបណ្តោយមាត់ទន្លេ ក្នុងសង្កាត់ផ្សារកណ្តាល​ទី១​ ខណ្ឌដូនពេញ​។

​បេីតាមប្រភពព័ត៍មាន​ពីសមត្ថកិច្ចនគរបាលខណ្ឌដូនពេញ​ បានឲ្យដឹងថា ដំបូងមានក្រុមក្មេងស្ទាវបន្លំខ្លួនជាសមត្ថកិច្ច បម្រុងនឹងប្លន់យកលុយពីជនជាតិចិន តែជនជាតិចិនក៏ទៅយកកាំបិតចុងស្រួចដេញចាក់​ ទេីប​ពួកគេរត់គេចខ្លួនបាត់អស់។

ប្រភពដដែល​ បន្តថា​ មួយសន្ទុះក្រោយមក ស្រាប់​តែ​មានយុវជនម្នាក់ផ្សេងទៀត ដែលមានដំបងរលាស់ បានជិះម៉ូតដេញតាមជនជាតិចិន ខណៈដេញតាមបុរសជនជាតិចិននោះ​ ស្មានជាគ្នារបស់ក្រុមក្មេងស្ទាវ ក៏ដេញចាក់ទៀត ធ្វើឲ្យយុវជនម្នាក់នោះ រេចង្កូតទៅបុករថយន្តមួយគ្រឿងបង្កការភ្ញាក់ផ្អេីលតែម្តង។

បន្ទាប់ពីកើតហេតុ សមត្ថកិច្ចខណ្ឌដូនពេញ បានចុះឃាត់ខ្លួនអ្នកទាំងពីរ យកទៅប៉ុស្តិ៍ដើម្បីធ្វើការសាកសួរបន្ត៕ដោយ៖សហការី​

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print