ខេត្តកំពង់ចាម៖ នៅរសៀលថ្ងៃទី០៦ ខែមេសា ឆ្នាំ២០២១ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានដឹកនាំកិច្ចប្រជុំ ផ្សព្វផ្សាយលេីការងារសំខាន់ៗមួយចំនួន តាមរយៈប្រព័ន្ធអេឡិចត្រូនិច(Zoom Meeting)៖
១-ស្ដីពីការផ្ដល់ការចាក់វាក់សាំងការពារជំងឺកូវីដ-១៩ ជូនដល់អតីតយុទ្ធជនខេត្តកំពងចាម
២-ផ្សព្វផ្សាយណែនាំស្ដីពីផែនការ និងវិធានការ ការពារ ធានាស្ថិរភាព សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ក្នុងឱកាសបុណ្យចូលឆ្នាំខ្មែរ តាមអនុសាសន៍របស់នាយឧត្ដមសេនីយ៍ សន្តិបណ្ឌិត អគ្គស្នងការនគរបាលជាតិ
៣-ផ្សព្វផ្សាយសេចក្ដីណែនាំរបស់រដ្ឋបាលខេត្តកំពង់ចាម ស្ដីពីការទប់ស្កាត់ការឆ្លងរាលដាលនៃជំងឺកូវីដ-១៩ នៅក្នុងឱកាសឈប់សម្រាកក្នុងពិធីបុណ្យចូលឆ្នាំខ្មែរប្រពៃណីជាតិ ក្នុងភូមិសាស្រ្តខេត្តកំពង់ចាម។
៤-ពង្រឹងក្រុមប្រចាំបញ្ជា នៅស្នងការដ្ឋាននគរបាលខេត្ត និងតាមបណ្ដាអធិការរដ្ឋាននគរបាលស្រុក-ក្រុងទាំង១០ ដើម្បីទទួលសំណូមពររបស់ប្រជាពលរដ្ឋ និងត្រូវត្រៀមកម្លាំង មធ្យោបាយ ឧបករណ៍ សម្ភារៈ ដើម្បីអន្តរាគមន៍ ដោះស្រាយជូនប្រជាពលរដ្ឋឱ្យបានទាន់សភាពការណ៍២៤/២៤ម៉ោង។
៥-ពង្រឹងក្រុមការងារប្រតិកម្មរហ័ស នៅតាមបណ្ដាអធិការដ្ឋាន ស្រុក-ក្រុងទាំង១០
៦-ក្រើនរំលឹកដាស់តឿនដល់គ្រប់មន្ត្រីនគរបាលគ្រប់រូបនៅស្នងការរដ្ឋាននគរបាលខេត្ត ត្រូវអនុវត្តវិធានសុខាភិបាល ពិសេសអនុសាសន៍ដឹកនាំរបស់សម្ដេចតេជោ នាយករដ្ឋមន្ត្រី បីកុំ បីការពារ ។
សមាសភាពចូលរួម លោកស្នងការរង និងជាប្រធានលេខាធិការដ្ឋាន ស អ កខេត្ត លោកអធិការនគរបាលស្រុក-ក្រុងទាំង១០ ដោយឡែកអធិការដ្ឋាននគរបាលស្រុកជេីងព្រៃ មានអធិការរងគ្រប់រូបចូលរួម ផងដែរ ៕
ដោយ៖ សូរិយា
