ភ្នំពេញ៖ លោកស្រី អាន្នី សុខអាន អនុប្រធានកាកបាទក្រហមកម្ពុជា បានជួបពិភាក្សានិងទទួលអំណោយមនុស្សធម៌ ជាថវិកាពីក្រុមហ៊ុន( A S B Group of Companies ) ចំនួន ២៥,០០០ដុល្លាអាមេរិក( ពីរមុឺនប្រាំពាន់ដុល្លារ ) កាលពីព្រឹកថ្ងៃទី០៧ ខែមីនា ឆ្នាំ២០១៦ ។

ជំនួសមុខឲ្យសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន លោកស្រី អាន្នី សុខអាន បានថ្លែងអំណរគុណដល់ក្រុមហ៊ុន និងជូនពរឲ្យក្រុមហ៊ុនមានភាពរីកចម្រើនទៅមុខជានិច្ច ។

លោក អានុប សុីញបារ៉ា ( Anoop Singh Bara ) នាយកប្រតិបត្តិ និងជាប្រធានក្រុមហ៊ុន បានថ្លែងអំណរគុណលោកស្រីអនុប្រធានដែលបានចំណាយពេលវេលាក្នុងការស្វាគមន៍និងទទួលថវិកាសម្រាប់បម្រើការងារមនុស្សធម៌ ហើយក្រុមហ៊ុននឹងបន្តជួយឧបត្ថម្ភការងារមនុស្សធម៌នេះជាបន្តបន្ទាប់ ៕ ដោយ៖ សុខ ខេមរា