ខេត្តព្រះសីហនុ៖ បេីយោងតាមសេចក្ដីជូនដំណឹងរបស់រដ្ឋបាលខេត្តព្រះសីហនុ បានសម្រេចដាក់ភូមិចំនួន៥ ជាតំបន់ក្រហម ដោយហាមផ្តាច់មិនឱ្យមានការចេញពីផ្ទះ បន្ទាប់ពីទាំងនេះផ្ទុះការឆ្លងខ្លាំងនៃជំងឺកូវីដ១៩។ នេះបេីយោងតាមសេចក្ដីជូនដំណឹងរបស់រដ្ឋបាលខេត្តព្រះសីហនុ
នៅក្នុងសេចក្តីជូនដំណឹងខាងលេីនេះ បានចេញនៅយប់ថ្ងៃព្រហស្បតិ៍ទី២២ ខែមេសា ឆ្នាំ២០២១ ដោយអាជ្ញាធរខេត្ត សម្រេចដាក់ ភូមិលេខ១ លេខ២ លេខ៣ លេខ៤ និងលេខ៥ នៃសង្កាត់លេខ៤ ជាតំបន់ក្រហម។ ដោយក្នុងសេចក្តីសម្រេចនេះ បានហាមប្រជាពលរដ្ឋមិនឲ្យចាកចេញពីលំនៅឋាន រឺ ទីសំណាក់បច្ចុប្បន្ន រួមទាំងការមិនអុនញ្ញាតមានការធ្វើសកម្មភាពហាត់ប្រាណនៅខាងក្រៅលំនៅឋាន លើកលែងតែការធ្វើដំណើរមូលហេតុសុខភាពបន្ទាន់ និងការធ្វើដំណើរទៅជួបមន្ត្រីសុខាភិបាល ដើម្បីយកសំណាកទៅវិភាគរកមេរោគកូវីដ-១៩ រឺចាក់វ៉ាក់សាំងការពារជំងឺកូវីដ-១៩ ដូសទី២ នៅទីតាំងជិតបំផុតក្នុង (តំបន់ក្រហម) តាមការកំណត់និងអនុញ្ញាតរបស់សមត្ថកិច្ច។
គួររម្លឹកថា កាលពីពេលថ្មីៗនេះ រដ្ឋបាលខេត្ត បានបន្តផ្អាកជាបណ្តោះអាសន្ននូវអាជីវកម្មលក់ដូរនៅក្នុងផ្សារលើ ក្រុងព្រះសីហនុ រយៈពេល ៤ថ្ងៃ បន្ថែមទៀត(ចាប់ពីថ្ងៃទី២០ ដល់ថ្ងៃទី២៣ ខែមេសា ឆ្នាំ២០២១) ដើម្បីទុកពេលឱ្យអាជីវករលក់ដូរគ្រឿងឧបភោគ បរិភោគទាំងអស់ បានផ្តល់វត្ថុសំណាកទៅវិភាគរកមេរោគវីដ-១៩ លើកទី២ ដល់មន្ត្រីសុខាភិបាល។
បន្ទាប់ពីបានផ្តល់វត្ថុសំណាកលើកទី១ រយៈពេល ៥ថ្ងៃ ហើយត្រូវមានលិខិតបញ្ជាក់អវិជ្ជមានកូវីដ-១៩ ពីមន្ទីរសុខាភិបាលខេត្ត ទើបអាចអនុញ្ញាតឱ្យចូលលក់ដូរវិញបាន៕ដោយ៖ឆ្លាមសមុទ្រ
