ភ្នំពេញ៖ រថយន្តក្រឡុកស៊ីម៉ង់មួយគ្រឿង បានក្រឡាប់ប៉ះជើងច្រង៉ាង បង្កការភ្ញាក់ផ្អើលកាលពីវេលាម៉ោង១២ថ្ងៃត្រង់ ថ្ងៃទី១៧ ខែកក្កដា ឆ្នាំ២០១៥ នៅតាមបណ្តោយផ្លូវលំមួយខ្សែក្នងបុរីភ្នំពេញអង្គរ ស្ថិតក្នុងសង្កាត់ទួលសង្កែ ខណ្ឌឬស្សីកែវ។
ប្រភពពីកន្លែងកើតហេតុថា មុនកើតហេតុគេឃើញរថយន្តក្រឡុកស៊ីម៉ង់មួយគ្រឿងដែលផ្ទុក ស៊ីម៉ង់ពេញ ពាក់ស្លាកលេខ ភ្នំពេញ 5A-0461 បើកបរដោយបុរសម្នាក់មិនស្គាល់ឈ្មោះ ទិសដៅពីលិចទៅកើត។ លុះមកដល់កន្លែងកើតហេតុ រថយន្ដខាងលើបានជៀសរថយន្តមួយគ្រឿងទៀត ស្រាប់តែរអិលកង់ក្រឡាប់តែម្តង ប៉ុន្តែមិនបានបង្កគ្រោះថ្នាក់ដល់មនុស្សណាម្នាក់ឡើយ។ ចំណែកអ្នកបើកបរបានរត់គេចខ្លួនបាត់ស្រមោល។
ប្រភពពីកម្មករដែលមកមើលក្នុងហេតុការណ៏នោះថា បុរសអ្នកបើររថយន្ដ ហើយបានគេចខ្លួនបាត់នោះទើបតែចូលមកធ្វើការ និងបើករថយន្តថ្ងៃនេះទេ ហើយបើគាត់មិនរត់ទេ ថៅកែច្បាស់ជាឲ្យសងការខូចខាតមិនខាន។
ក្រោយកើតហេតុ រថយន្តត្រូវបានម្ចាស់យកទៅជួសជុលដោយខ្លួនឯង៕
