ភ្នំពេញ៖ សូមបងប្អូនបង្កេីនការប្រុងប្រយ័ត្នឲ្យបានខ្ពស់! ខណៈក្រសួងសុខាភិបាល រយៈពេលប៉ុន្មានថ្ងៃចុងក្រោយនេះ កម្ពុជា រកឃើញករណីវិជ្ជមានកូវីដ-១៩ នៅតែបន្តកេីនឡើង។ ជាក់ស្ដែង នៅយប់ថ្ងៃពុធទី២៨ ខែមេសា ឆ្នាំ២០២១នេះ ក្រសួងសុខាភិបាលបានប្រកាសថា បន្តរកឃើញអ្នកឆ្លងកូវីដ១៩ថ្មី ៦៩៨ចំនួន នាក់ថែមទៀត ក្នុងនោះសុទ្ធសឹងជាករណីសហគមន៍ក្នុង «ព្រឹត្តិការណ៍២០កុម្ភៈ» ខណៈអ្នកជំងឺចំនួន ៩៩៤នាក់បានជាសះស្បើយ និងអនុញ្ញាតឲ្យចេញពីមន្ទីរពេទ្យ។
សូមជម្រាបថា នៅថ្ងៃទី២៧ ខែមេសា ឆ្នាំ២០២១ មានករណីវិជ្ជមានវីរុសកូវីដ-១៩ថ្មី ៦៩៨ចំនួន នាក់ (សហគមន៍ទាំង ៦៩៧នាក់) និងមានអ្នកជាសះស្បេីយចំនួន នាក់ក្នុងនោះរួមមាន៖
– ករណីឆ្លងសហគមន៍ ៦៩៧ នាក់
– អ្នកដំណើរពីបរទេស ០១ នាក់
-សហគមន៍ ៦៩៧នាក់ (ភ្នំពេញ ៥៥៨ ; ព្រះសីហនុ ១៦ ;បន្ទាយមានជ័យ ៤៣ ;កណ្តាល ៧២ ; តាកែវ ៣ ; ពោធិ៍សាត់ ២ ; កំពង់ស្ពឺ៣)
គិតត្រឹមព្រឹក ថ្ងៃទី២៨ ខែមេសា ឆ្នាំ២០២១
– អ្នកឆ្លងសរុប= ១១៧៦១ នាក់
– អ្នកជាសះស្បើយ= ៤៦៩៨នាក់
– អ្នកកំពុងព្យាបាល= ៦៩៦៨ នាក់
– អ្នកស្លាប់= ៨៨ នាក់។
ជាមួយគ្នានេះ សូមបងប្អូនយើងបង្កើនការប្រុងប្រយ័ត្ន និងបើមិនចាំបាច់ទេ សូមកុំចេញពីផ្ទះ! វិធានការ ៣កុំ និង៣ការពារ ត្រូវតែអនុវត្តអោយខានតែបាន! សូមជូនពរបងប្អូនយើងចៀសផុតពីកូវីដគ្រប់គ្នា!
សូមរម្លឹកថា, នាពេលកន្លងទៅ សម្តេចតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ធ្លាប់បានមានប្រសាសន៍ក្រើនរំលឹក សូមឲ្យបងប្អូនជនរួមជាតិ ទៅទទួលវ៉ាក់សាំងឲ្យបានគ្រប់គ្នា ក្នុងយុទ្ធនាការនៃការចាក់វ៉ាក់សាំងការពារជំងឺកូវីដ-១៩ ដែលនឹងធ្វើឡើងលក្ខណៈទ្រង់ទ្រាយធំ។
សម្តេចតេជោ ហ៊ុនសែន បានថ្លែងបញ្ជាក់ថា, តាមគម្រោងក្នុងរយះពេល១ខែត្រូវចាក់ជូនប្រជាពលរដ្ឋក្នុងកម្រិត ១លានដូស ទាំងការទិញ និងការទទួលជំនួយនឹងមកដល់ជាបន្តរបន្ទាប់។ វ៉ាក់សាំងគឺត្រូវបញ្ជូនទៅចាក់ជូនប្រជាពលរដ្ឋតាមបណ្តាខេត្តក្រុង ទូទាំងប្រទេសកម្ពុជា។
បន្ថែមពីនេះ សម្តេចតេជោ សូមបងប្អូនជនរួមជាតិអនុវត្តតាមវិធានសុខាភិបាលអោយបានម៉ត់ចត់ និងបន្តចូលរួមជាមួយវិធានការ «៣ការពារ ៣កុំ» ឱ្យបានម៉ឺងម៉ាត់ជាទីបំផុត៕ដោយ៖ស តារា
