ភ្នំពេញ៖ ជនសង្ស័យម្នាក់ជំនាញខាងដើរលួចទ្រព្យសម្បត្តិគេត្រូវម្ចាស់ទាន់ចាប់ប្រគល់ឲ្យសមត្ថកិច្ចបន្ទាប់ពីរួបគេធ្វើសកម្មភាពលួច មួយលើកជាពីរលើក បានសម្រច លួចលើកទីបី បានគ្រឿងអល័ង្កកាហើយ តែយកចេញមិនរួច ។
ហេតុការណ៍នេះបានកើតឡើងកាលពីវេលាម៉ោង១០និង៥០នាទីព្រឹកថ្ងៃទី១០ ខែមីនា ឆ្នាំ២០១៦ ស្ថិតនៅផ្ទះបើក ល្បែងហ្គេម មួយកន្លែង ខាងក្រោយផ្សារជម្ពូវ័ន ភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ ។
ជនសង្ស័យមានឈ្មោះ វ៉ា ក ភេទប្រុស អាយុ១៦ឆ្នាំ ជាជនជាតិវៀតណាម ស្នាក់នៅភូមិព្រៃទា សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅប្រទេសវៀតណាម ។ ចំណែកជនរងគ្រោះមានឈ្មោះ គ្រុយ ណារិទ្ធ ភេទប្រុស អាយុ៣១ឆ្នាំ ស្នាក់នៅផ្ទះលេខ៨ ភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ ។ រីឯទ្រព្យសម្បត្តិ ដែលជនសង្ស័យ ប៉ិនប៉ងលួច ខ្សៃដៃប្លាទីន១ខ្សែ គិតជាទឹកប្រាក់៥៥០ដុល្លា តែទ្រព្យទាំនេះ មិនបានបាត់បង់ បន្ទាប់ម្ចាស់ឡើងទៅទាន់ ។
ជនរងគ្រោះបានឲ្យដឹងថា មុនកើតហេតុ ជនសង្ស័យទៅអង្គុយលេងមុខផ្ទះកើតហេតុ ឆ្លៀតឱកាសជនសង្ស័យបានដើរឡើងទៅលើជាន់ឡៅតឿបើកថតទូ រុះរើយកលុយកាក់ ទ្រព្យសម្បត្តិ ត្រូវបានម្ចាស់ ឡើងទៅទាន់ ចាប់ឃាត់ខ្លួន ប្រគល់ឲ្យ នគរបាលប៉ុស្តិ៍ចោមចៅ។
ក្រោយពីសាកសួរទើបធ្លាយរឿងជនសង្ស័យបានធ្វើសកម្មភាពលួចបានសម្រេចចំនួន២ដងមកហើយ លើកទីបីនេះទើបចាប់ឃាត់ខ្លួនបាន ហើយសមត្ថកិច្ច កសាងសំណុំរឿងបញ្ជូនខ្លួនទៅកាន់អធិការដ្ឋាននគរបាលខណ្ឌពោធិ៍សែនជ័យចាត់ការទៅតាមនីតិវិធី ៕ សុខាសែនជ័យ
