នៅយប់ថ្ងៃទី៩ខែមីនា ត្រូវនិងថ្ងៃទី១០ខែតុលា មានការបាញ់ប្រហារមួយកើតឡើងបណ្តាលឲ្យមនុស្ស៥នាក់ស្លាប់ និងជាង១០នាក់រងរបួស ស្ថិតនៅជាយក្រុងPittsburgh រដ្ឋ Pennsylvania អាមេរិក។
ក្នុងចំណោមជនរងគ្រោះទាំង ៥នាក់មានស្ត្រី៤នាក់និងបុរសម្នាក់។ ហេតុការបាញ់ប្រហារកើតឡើងនៅវេលាម៉ោង ១១យប់ ក្នុងពិធីជប់លៀងមួយ។ ពេលនេះប៉ូលិសកំពុងស្រាវជ្រាវពីមូលហេតុបណ្តាលឲ្យមានការបាញ់ប្រហារខាងលើកើតឡើង។
តាមប្រភ័ពព័ត៌មាននៅក្នុងតំបន់បានឲ្យដឹងថា អ្នកដែលបាញ់ប្រហារបានសម្រុកចូលក្នុងពិធីជប់លៀង ហើយធ្វើការបាញ់ប្រហារតែម្តង។ ពលរដ្ឋនៅក្បែរនោះបានឲ្យដឹងថា មានសម្លេងផ្ទុះកាំភ្លើងដល់ទៅ២៥គ្រាប់ ។
ភ្លាមៗនោះប៉ូលិសបានទៅដល់កន្លែងកើតហេតុ ហើយចាប់ខ្លួនបានជនសង្ស័យម្នាក់។ ប៉ូលិសកំពុងស្វែងរកចាប់ខ្លួនមនុស្សពីរនាក់ទៀតសង្ស័យជាប់ពាក់ព័ន្ធនិងការបាញ់ប្រហារខាងលើ។
ការបាញ់ប្រហារនៅអាមេរិកបង្ករការព្រួយបារម្ភយ៉ាងខ្លាំងដល់ប្រជាពលរដ្ឋ ខណៈដែលអំពើបាញប្រហារកើនឡើងអត់ឈប់ឈរ ហើយរដ្ឋាភិបាលមិនអាចគ្រប់គ្រងការប្រើប្រាស់កាំភ្លើងបាន។ កន្លងមកថ្មីនៅរដ្ឋ Lowa អាមេរិក បានអនុញ្ញាតិឲ្យកុមារ អាចប្រើប្រាស់កាំភ្លើងបានដោយសេរី ក្រោមការត្រួតពិនិត្យពីឪពុកម្តាយ។កុមារនៅទីនោះ មិនចាំបាច់ប្រើប្រាស់កាំភ្លើង ជ័រលេងដូចកាលពីមុនទៀតឡើយគឺអាចប្រើប្រាស់កាំភ្លើងពិតៗដូចមនុស្ស ធំ ក្រោយពេលច្បាប់ថ្មីត្រូវបានសភាអនុម័ត ។
ច្បាប់ថ្មីនោះត្រូវបានអនុម័តកាលពី ថ្ងៃទី២៤ ខែកុម្ភៈ ដោយមានសំឡេងគាំទ្រ ខ្ពស់រហូតដល់៦២,៣៦ភាគរយ អនុញ្ញាត ឱ្យកុមារមានអាយុក្រោម១៤ឆ្នាំរស់នៅក្នុងរដ្ឋ Lowa ប្រើប្រាស់កាំភ្លើងស្រប ច្បាប់។ កុមារអាចប្រើប្រាស់បានតែកាំ ភ្លើងខ្លីប៉ុណ្ណោះ ក្រោមការគ្រប់គ្រងរបស់ ឪពុកម្ដាយ ។
តំណាងរាស្ដ្រមកពីគណបក្សប្រជា ធិបតេយ្យ លោកស្រី Kirsten Running Amrquardt និងតំណាងរាស្ដ្រមួយចំនួន ទៀតជាអ្នកប្រឆាំងទៅនឹងច្បាប់អនុញ្ញាត ឱ្យកុមារប្រើប្រាស់កាំភ្លើងបានឱ្យដឹងថា កុមារនៅមិនទាន់មានការគិតវែងឆ្ងាយហើយមិនអាចគ្រប់គ្រងអារម្មណ របស់ខ្លួន បាននៅពេលខឹងទាំងនោះហើយអាចឱ្យ ពួកគេបាញ់ពាសវាលពាសកាលបណ្ដាល ឱ្យមានអ្នកស្លាប់កាន់តែច្រើន ពិសេស គឺអ្នកនៅក្នុងគ្រួសារតែម្ដង ។
ចំណែកតំណាងរាស្ដ្រមកពីគណបក្សសាធារណរដ្ឋវិញលោកJake HighFill ដែលជាអ្នកបង្កើតច្បាប់ខាងលើបានឱ្យដឹង ថា នៅពេលដែលកុមារមានអាយុ១៤ ឆ្នាំប្រើប្រាស់កាំភ្លើងនោះ គឺអាចការ ពារខ្លួនឯងបានគេចផុតពីការវាយប្រហារ របស់សត្រូវ ៕
ប្រែសម្រួល៖ ថាច់ យ៉ាត
