ភ្នំពេញ: ក្មេងទំនើង៣នាក់ ត្រូវកម្លាំងកងរាជអាវុធហត្ថខណ្ឌទួលគោកឃាត់ខ្លួន ខណៈដែលពួកគេប្រើដាវសាំមូរ៉ៃ១ដើម ដេញកាប់យុវជនម្នាក់តាមដងផ្លូវ មុខសាកលវិទ្យាល័យភូមិន្ទភ្នំពេញរហូតដល់ផ្លូវ២៥៧កែងផ្លូវ១៨២ទើបកម្លាំងកងរាជអាវុធហត្ថខណ្ឌទួលគោកចាប់បានទាំង៣នាក់តែម្តង ប៉ុន្តែជនរងគ្រោះសំណាងល្អមិនត្រូវជនបង្កដេញកាប់បាននោះឡើយ ។

ហេតុការណ៍នេះ បានកើតឡើងកាលពីល្ងាចថ្ងៃទី១១ ខែមិនា ឆ្នាំ២០១៦ មុខសាកលវិទ្យាល័យភូមិន្ទភ្នំពេញ តាមផ្លូវ២៥៧កែងផ្លូវ១៨២ សង្កាត់ទឹកល្អក់ទី១ ខណ្ឌទួលគោក។

យោងតាមជនរងគ្រោះបានរៀបរាប់ដំណើររឿងថាពួកខ្លួនជនរងគ្រោះបានទៅលេងនៅឯសកលវិទ្យាល័យភូមិន្ទភ្នំពេញមានគ្នាចំនួន២នាក់ស្រាប់តែឃើញជនបង្កមានគ្នាចំនួន២ម៉ូតូជិះមើលមុខហើយខាងជនរងគ្រោះបានជិះម៉ូតូចេញមកស្រាប់តែក្រឡេកឃើញខាងជនបង្កតាមពីក្រោយរហូតមកដល់ចំណុចផ្លូវ២៥៧កែងផ្លូវ១៨២ក៍បានផ្តួលម៉ូតូហើយជនបង្កក៍ដួលម៉ូតូដូចគ្នានិងដកដាវសាំមូរ៉ៃដេញកាប់ជនរងគ្រោះក៍ត្រូវបានកម្លាំងកងរាជអាវុធហត្ថខណ្ឌទួលគោកដែលជិតទីស្នាក់ការផងក្រឡេកឃើញហេតុការណ៍ក៍នាំកម្លាំងអន្តរាគមន៍ជួយជនរងគ្រោះនិងតាមចាប់ជនបង្កបានចំនួន៣នាក់រួមទាំហដាវសាំមូរ៉ៃ១ដើមនិងម៉ូតូស្កុបពីពណ៌ខៀវលាយសសេរី២០១៣ស្លាកលេខភ្នំពេញ1CA-0248យកមកសាកសួរនិងកសាងសំណុំរឿងចាត់ការតាមនីតិវិធីច្បាប់។ស ដារ៉ា