ខេត្តស្វាយរៀងៈសមត្ថកិច្ចកងរាជអាវុធហត្ថក្រុងបាវិត បានចុះ ប្រតិបត្តិការ បង្ក្រាប ករណី ជួញដូរ ចែកចាយ ដោយខុសច្បាប់ សារធាតុញៀននិងធ្វើការឃាត់ខ្លួនបានជនសង្ស័យ៤នាក់ជាជនជាតិវៀតណាមកាលពីវេលាម៉ោង១០និង២០នាទីយប់ថ្ងៃទី១០ខែមីនាឆ្នាំ២០១៦ នៅចំណុច ខាង មុខ កាសុីណូ ពិភពថ្មី ស្ថិតក្នុង ភូមិ បាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។

សមត្ថកិច្ចកងរាជអាវុធហត្ថក្រុងបាវិតបានអោយដឹងថាជនសង្ស័យជនជាតិវៀតណាមដែលឃាត់ខ្លួនបានមានឈ្មោះ វ៉ាង មិនវឿង ភេទ ប្រុស អាយុ ២៥ឆ្នាំ មានទីលំនៅ ភូមិ តាំងភូដុង ឃុំ ធីសាឌីប ស្រុក សាឌីប ខេត្ត ដុងថាប់ វៀតណាម។

២- ឈ្មោះ ចាំង អុិនតាំង ភេទ ប្រុស អាយុ ២២ ឆ្នាំ មានទីលំនៅ ភូមិ អាងយ៉ាង ឃុំ ចូវដុក ស្រុក ចូវដុក ខេត្ត អាងយ៉ាង វៀតណាម។
៣-ឈ្មោះ ង្វៀង ហាងវឿង ភេទ ប្រុស អាយុ២៦ ឆ្នាំ មានទីលំនៅ ភូមិ កាឡាក់ ឃុំ ឡាក់វ៉ា ស្រុក យិនជុង ខេត្ត សុចាំង វៀតណាម។
និងឈ្មោះ ផាម ហ៊ូតាយ ភេទ ប្រុស អាយុ ១៩ ឆ្នាំ មានទីលំនៅ ភូមិ បុិនធើយ ឃុំ បុិនធី ស្រុក ចាវហ្វួ ខេត្ត ហ្វាមហ្វួតាយ វៀតណាម។
ប្រភពបន្តថាចំពោះ សម្ភារ:វត្ថុតាងដកហូតបានរួមមាន:
– ម្សៅក្រាមពណ៌សថ្លា(ម៉ាទឹកកក) ចំនួន ០៨ កញ្ចប់តូច។
– ថ្នាំគ្រាប់ពណ៌លឿង ចំនួន ០២ គ្រាប់។
– ម៉ូតូ ចំនួន ០២គ្រឿង ម៉ាក ឃ្លីក ពាក់ស្លាកលេខវៀតណាម 70H-F1 29112 និង ម៉ាក វ៉េវ ពណ៌ ក្រហម គ្មានស្លាកលេខ។
-ទូរសព្ទ័០២គ្រឿងមា៉កSAMSUNG
បច្ចុប្បន្ន ជនសង្ស័យទាំង៤ ត្រូវបានកងរាជអាវុធហត្ថក្រុងបាវិតកសាងសំណុំរឿងបញ្ជូន ទៅ ទីបញ្ជាការដ្ឋានកងរាជអាវុធហត្ថខេត្តស្វាយរៀងចាត់ការបន្ត តាម ច្បាប់។