ខេត្តត្បូងឃ្មុំ ៖ មនុស្សពីរនាក់បានស្លាប់និងរងរបួសធ្ងន់ នៅលើកំណាត់ផ្លូវជាតិលេខ៧ ស្ថិតក្នុងភូមិហួចកើត ឃុំក្រែក ស្រុកពញាក្រែក ខេត្តត្បូងឃ្មុំ ក្រោយជួបគ្រោះថ្នាក់ចរាចរណ៍រវាងម៉ូតូនិងម៉ូតូ ក្នុងដំណេីរទិសដៅផ្ទុយគ្នា កាលពីថ្ងៃអាទិត្យ ទី២៣ ខែឧសភា ឆ្នាំ២០២១ ។
ប្រភពព័ត៌មានបានឱ្យដឹងថា ភាគីម៉ូតូម្ខាងជាម៉ូតូកូរ៉េ សេ100 ពណ៌ក្រហម គ្មានស្លាកលេខ បើកបរដោយឈ្មោះកន ឃ្មាន់ ភេទប្រុស អាយុ៥៨ឆ្នាំ ជនជាតិខ្មែរ រស់នៅភូមិបុសល្វេ ឃុំក្រែក ស្រុកពញាក្រែក និងម៉ូតូម្ខាងទៀតម៉ាកស្មាស់ ពណ៌ក្រហម គ្មានស្លាកលេខ បើកបរដោយឈ្មោះ សេង ហ៊ាង ភេទប្រុសអាយុ៣០ឆ្នាំ ជនជាតិខ្មែរ រស់នៅភូមិត្រពាំងឈ្លើង ឃុំពពេល ស្រុកពញាក្រែក ។ ម៉ូតូអ្នកទាំងពីរ ពេលធ្វេីដំណេីរមកដល់ចំណុចកេីតហេតុបានបុកប៉ះគ្នាពេញទំហឹង បណ្តាលឱ្យឈ្មោះកន ឃ្មាន់ ស្លាប់នៅនឹងកន្លែងកើតហេតុ ឯឈ្មោះ សេង ហ៊ាង រងរបួសធ្ងន់ ។
ករណីខាងលើនេះកម្លាំងជំនាញ នៃ អធិការដ្ឋានស្រុក បានចាត់បន្តតាមនីតិវិធី ៕
ដោយ៖ វណ្ណៈ
