ភ្នំពេញ៖ បុរសម្នាក់ផឹកស្រាស្រវឹងដល់វង្វេងស្មារតីបានយកក្បាលបោកនិងជញ្ជាំងបណ្តាលអោយបែកហូឈាមស្រោចខ្លួនត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ។
ហេតុការណ៍នេះបានកើតឡើងកាលពីវេលាម៉ោង១១យប់ថ្ងៃទី១៣ខែមីនាឆ្នាំ២០១៦ នៅបន្ទប់ជួលលេខ១០ ភូមិសំការឳឡឹក សង្កាត់កាកាប ខណ្ឌពោធិ៍សែន។
ជនរងគ្រោះឈ្មោះកៅយុង ភេទប្រុស អាយុ២៥ ឆ្នាំ មុខរបរកម្មករសំណង់ ស្នាក់នៅកន្លែងកើតហេតុ។
តាមសម្តីម្តាយជនរងគ្រោះបានអោយដឹងថានៅមុនពេលកើតហេតុ ជនរងគ្រោះបានទៅផឹកស្រាយថ្នាំជាមួយមិត្តភ័ក្តិបន្ទាប់មកក៏បានជិះកង់ត្រលប់មកផ្ទះវិញបានមួយសន្ទុះក្រោយមកស្រាប់តែដើរចេញពីបន្ទប់ហើយទៅបោកក្បាលនិងជញ្ជាំងបណ្តាលអោយបែកក្បាលហូឈាមស្រោចខ្លួន។ ម្តាយជនរងគ្រោះបានបន្តទៀតថា ជនរងគ្រោះធ្លាប់ប្រើប្រាស់គ្រឿងញៀននិងធ្លាប់វង្វេងស្មារតីជាញឹកញាប់ដែរ។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ៕
ដោយ៖ សុខាសែនជ័យ
