ភ្នំពេញ៖ បេីយោងតាមការបញ្ជាក់ពីក្រសួងកសិកម្ម រុក្ខាប្រមាញ់ និង នេសាទ បានថ្លែងថា ចាប់ពីខែមករា ដល់ចុងខែឧសភានេះ ទីផ្សារក្រូចថ្លុងកម្ពុជា នៅបរទេស គឺមានកំណើនកេីនឡេីង។ ខណៈការនាំចេញក្រូចថ្លុងកម្ពុជា ទៅកាន់ទីផ្សារក្រៅប្រទេស គឺមានបរិមាណសរុបចំនួន ២១.១១៨ តោន ។
របាយការណ៍ដដែល បន្តថា បើប្រៀបធៀបតួរលេខនៃការនាំចេញ នៅក្នុងអំឡុងពេលនេះទៅនឹងអំឡុងពេលដដែលកាលពីឆ្នាំ២០២០ គឺឃើញថា មានការកើនឡើងរហូតដល់ទៅ ១១.២១៨ តោន។ យ៉ាងណាមិញ ក្រសួងមិនបានលំអិតពីទីផ្សារនាំចេញក្រូចថ្លុង ដែលកម្ពុជាធ្វើបាននោះទេ ប៉ុន្តែកន្លងមកទីផ្សារក្រូចថ្លុងកម្ពុជាគឺមានទៅភូមា និងទៅថៃ ។
គួរជម្រាបថា ផ្លែក្រូចថ្លុង ក៏កំពុងតែមានទីផ្សារខ្ពស់ ដោយសារតែក្រូចផ្លុង គឺជាផ្លែឈើដែលមានប្រយោជន៍ចំពោះសុខភាពជាច្រើនមុខ មានដូចខាងក្រោម៖
ទី១. វានឹងជួយឲ្យក្រពះ និងសួតអ្នកមានសុខភាពល្អ ជាងនេះទៅទៀតវានឹងធ្វើឲ្យសួតអ្នកល្អ ប៉ូវឈាម ថែមទាំងជួយជម្រះកាកសំណល់ពីក្នុងពោះវៀនដោយបញ្ចេញតាមការបត់ជើងមកក្រៅវិញ។
ទី២. បើមាត់អ្នកតែងតែគ្មានរសជាតិ វាក៏អាចជួយអ្នកឲ្យបរិភោគឆ្ងាញ់បានដែរ ម្យ៉ាងទៀតវានឹងជួយឲ្យក្រពះអ្នកដំណើរការល្អ ដោយងាយស្រួលរំលាយអាហារ។
ទី៣. វាអាចជួយសារពាង្គកាយអ្នកឲ្យស្រូបយកសារធាតុដែក និងកាលស្យូមបានលឿន ជាងនេះទៅទៀតចំពោះស្ត្រីមានផ្ទៃពោះ វានឹងការពារអ្នកឲ្យចៀសផុតពីជំងឺខ្វះឈាម និងជួយឲ្យកូនក្នុងផ្ទៃមានសុខភាពល្អ និងអាចជំនួយដល់ការលូតលាស់របស់កូនបាន។
ទី៤. នៅពេលដែលអ្នកមានជំងឺលើសជាតិស្ករ ដូចជាជំងឺទឹកនោមផ្អែម អ្នកក៏អាចបរិភោគបានដែរ ព្រោះវានឹងជួយបញ្ចុះជាតិស្ករក្នុងខ្លួនរបស់អ្នកបាន។
ទី៥. បើសរសៃឈាមខួរក្បាលអ្នក និងក្រលៀនមិនស្រួល អ្នកអាចពិសារវាបាន វានឹងការពារក្រលៀន និងសរសៃឈាមខួរក្បាលអ្នកឲ្យមានសុខភាពល្អ។
ទី៦. បើឈាមអ្នកមានខ្លាញ់ ឬមានកាឡូរីខ្ពស់ អ្នកអាចបរិភោគវាបាន វានឹងជួយរំលាយជាតិខ្លាញ់ និងកាឡូរីទាំងនោះ ព្រោះវាមានវីតាមីនC។
និងទី៧. វានឹងជួយការពារអ្នកឲ្យចៀសផុតពីជំងឺដាច់សរសៃឈាមបាន ព្រោះនៅក្នុងក្រូចថ្លុងមានសារធាតុម្យ៉ាងដែលអាចធ្វើឲ្យឈាមអ្នកមិនខាប់ដែលអាចបណ្តាលឲ្យមានជំងឺដាច់សរសៃឈាម៕ដោយ៖សហការី
រូបភាព៖ឯកសារ
