ខេត្តព្រះវិហារ ៖ កម្លាំងសមត្ថកិច្ចនគរបាលស្រុកត្បែងមានជ័យបានឃាត់ខ្លួនបុរសម្នាក់ពាក់ព័ន្ធកាន់កាប់អាវុធកែច្នៃខុសច្បាប់ (កាំភ្លើងស្នប់ខ្យល់) នៅវេលាម៉ោង១០ព្រឹក ថ្ងៃទី២៨ ខែមិថុនា ឆ្នាំ២០២១ ត្រង់ចំណុចក្នុងភូមិបុះធំ ឃុំប្រមេរ ស្រុកត្បែងមានជ័យ ខេត្តព្រះវិហារ ។
មន្រ្តីនគរបាលស្រុកត្បែងមានជ័យបានឲ្យដឹងថា បុរសខាងលើមានឈ្មោះ គីម គឹមឡាយ អាយុ៤០ឆ្នាំ មានកាន់កាតសារព័ត៌មានសៀមរាបប៉ុស្តិ៍ រស់នៅភូមិគោកបេង សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ។
ជាមួយនឹងការឃាត់ខ្លួន សមត្ថកិច្ចបានដកហូតវត្ថុតាងអាវុធកែច្នៃ(កាំភ្លើងស្នប់ខ្យល់) ១ដើម និង រថយន្តម៉ាកឡិចស៊ីស RX 300 ពាក់ស្លាកលេខ ភ្នំពេញ 2AQ- 0074 មួយគ្រឿងដែលបុរសខាងលើកំពុងជិះនៅតាមដងផ្លូវ ។
ក្រោយឃាត់ខ្លួនបានភ្លាម សមត្ថកិច្ចជំនាញកសាងសំណុំរឿងបញ្ជូនជនសង្ស័យនិងអាវុធកែច្នៃ១ដើមជាវត្ថុតាងបញ្ជូនទៅសាលាដំបូងខេត្ត ដើម្បីអនុវត្តបន្តតាមនីតិវិធី ៕
ដោយ÷ប្រាថ្នា
