ភ្នំពេញ៖ស្ត្រីម្នាក់បានរងរបួសបែកក្បាល ត្រូវបានរថយន្តសាមុយដឹកយកទៅសង្គ្រោះភ្លាមៗ ខណះពេលដែលយុវជន៣នាក់ជិះម៉ូតូបុកម៉ូតូពីក្រោយពេញទំហឹង។ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១២និង២០នាទីរំលងអាធ្រាត ឈានចូលថ្ងៃទី១៨ ខែមីនា ឆ្នាំ២០១៦ នៅចំណុចមុខ អិុច.ធូ តាមបណ្ដោយផ្លូវ២១៤ សង្កាត់បឹងរាំង ខណ្ឌដូនពេញ រាជធានីភ្នំពេញ។
ម៉ូតូរងគ្រោះម៉ាកហង់ដាឌ្រីម សេរី២០១៥ ពណ៌ខ្មៅ ពាក់ស្លាកលេខភ្នំពេញ1FM.9860 ជិះឌុបគ្នា៣នាក់ ប្រុសស្រី២នាក់រងរបួសស្រាល និងស្ត្រីម្នាក់ទៀតដែលជិះពីក្រោយរងរបួសធ្ងន់។
ចំណែកឯម៉ូតូបង្កម៉ាកZOOMER X ពណ៌ខ្មៅឆ្នួតស ពាក់ស្លាកលេខភ្នំពេញ1FQ.3670 ដោយយុវជន៣នាក់ជិះឌុបគ្នា ដោយគ្មានអ្នករងរបួសនោះទេ។
បើតាមសម្ដីបុរសរងគ្រោះរងរបួសស្រាលបានប្រាប់ឲ្យដឹងថា នៅមុនពេលកើតហេតុ គឺរូបគាត់ជិះម៉ូតូឌុបមនុស្សស្រី២នាក់ ទិសដៅពីកើតទៅលិច តាមបណ្ដោយផ្លូវ២១៤ ក្នុងល្បឿនល្មម ខណះមកដល់ចំណុចកើត ក៏បើកសីុញ៉ូបទឆ្វេងបំរុងចូល អិុច ធូ ភ្លាមនោះស្រាប់តែយុវជន៣
នាក់ជិះម៉ូតូបង្កឌុបគ្នា មកពីក្រោយក្នុងល្បឿនលឿន ក៏ជ្រុលបុកពីក្រោយពេញទំហឹងតែម្ដងបណ្ដាលឲ្យស្ត្រីម្នាក់អង្គុយពីក្រោយដួលបោកក្បាលទៅនិងថ្នល់រងរបួសធ្ងន់ និងប្រុសស្រី២
នាក់រងរបួសស្រាល។
ក្រោយពេលកើតហេតុស្ត្រីជនរងគ្រោះរបួសធ្ងន់ត្រូវបានរថយន្តសាមុយដឹកយកទៅសង្គ្រោះនៅមន្ទីពេទ្យឯកជនភ្លាមៗ ចំណែកឯម៉ូតូទាំងពីរគ្រឿងត្រូវបានសមត្ថកិច្ចចុះមកធ្វើការវាស់វែង យកទៅរក្សាទុកនៅអធិការដ្ឋាននគរបាលដូនពេញ រងចាំដោះស្រាយតាមនីតិវិធីច្បាប់។ព្រែកជ័យ