ខេត្តកំពត៖ បើយោងតាមសេចក្តីរាយការណ៍បឋមរបស់សមត្ថកិច្ចជំនាញ បានឱ្យដឹងថា យ៉ាងហោចណាស់មនុស្សប្រុស-ស្រីចំនួន៥នាក់បានស្លាប់ និង១២នាក់ផ្សេងទៀតត្រូវបានក្រុមគ្រូពេទ្យកំពុងជួយសង្គ្រោះបន្ទាន់នៅខេត្តកំពត បន្ទាប់ពីពួកគាត់សង្ស័យថាជាករណី “ពុលស្រា” ។
រាយការណ៍ដដែល បន្តថា មានករណីពុលស្រាស កាលពីថ្ងៃទី២ និងទី៣ ខែកក្កដា ឆ្នាំ២០២១ បណ្ដាលឱ្យមនុស្សស្លាប់ជាបន្តបន្ទាប់ចំនួន៥នាក់ (ក្នុងនោះស្រី៣) នៅភូមិកោះឈ្វាំង ឃុំស្វាយទងខាងត្បូង ស្រុកកំពង់ត្រាច ខេត្តកំពត ក្នុងនោះមាន ៖ ១-ឈ្មោះ ខុម ជឿន ភេទស្រី អាយុ៣៣ឆ្នាំ (ស្លា.ប់) ២-ឈ្មោះ សុខ ឆេន ភេទប្រុស អាយុ៦៤ឆ្នាំ (ស្លា.ប់) ៣-ឈ្មោះ កែ រេន ភេទស្រី អាយុ៥១ឆ្នាំ (ស្លា.ប់) ៤-ឈ្មោះ ទូច ហ៊ីម ភេទប្រុស អាយុ៤៩ឆ្នាំ (ស្លា.ប់) ៥-ឈ្មោះ នូវ រៀន ភេទស្រី អាយុ៤៧ឆ្នាំ (ស្លា.ប់) ទាំង៥នាក់នោះ រស់នៅភូមិតែមួយ ។
រាយការណ៍របស់សមត្ថកិច្ចជំនាញ បានបន្ថែមទៀតថា ចំណែកមនុស្ស១២នាក់ផ្សេងទៀត កំពុងសង្គ្រោះបន្ទាន់នៅមន្ទីរពេទ្យ ហើយក្នុងចំណោម១២នាក់នេះ ក្នុងនោះមានស្រី៣នាក់ ដោយ ៖ ១-ឈ្មោះ ស្វាយ ឌូច ភេទប្រុស អាយុ៤៦ឆ្នាំ ២-ឈ្មោះ កែ ដាត ភេទស្រី អាយុ៤៦ឆ្នាំ ៣-ឈ្មោះ អ៊ឹម ប៉ុក ភេទស្រី អាយុ៦៦ឆ្នាំ ៤-ឈ្មោះ ប៉ែន សំ ភេទប្រុស អាយុ២៥ឆ្នាំ ៥-ឈ្មោះ ទន់ ជឿន ភេទប្រុស អាយុ៤៦ឆ្នាំ ៦-ឈ្មោះ តុង រ័ត្ន ភេទប្រុស អាយុ២៩ឆ្នាំ ៧-ឈ្មោះ គង់ វណ្ណកុយ ភេទប្រុស អាយុ៣៧ឆ្នាំ ៨-ឈ្មោះ ប៉ែន សៀក ភេទប្រុស អាយុ៥៧ឆ្នាំ ៩-ឈ្មោះ ប៉ង ជួច ភេទប្រុស អាយុ៥៨ឆ្នាំ ១០-ឈ្មោះ ណុប កូវ ភេទប្រុស អាយុ៥២ឆ្នាំ ១១-ឈ្មោះ ស៊ កែម ភេទប្រុស អាយុ៤០ឆ្នាំ និង១២-ឈ្មោះ ទី ប៉ិ ភេទស្រី អាយុ៤៥ឆ្នាំ ទាំង១២ នាក់នេះ រស់នៅភូមិ-ឃុំកើតហេតុខាងលើដូចគ្នា ។
គួរបញ្ជាក់ថា ដោយឡែកចំពោះអ្នកបិទស្រាស ឈ្មោះ វ៉ិត ប៉ាង ភេទប្រុស អាយុ៤៧ឆ្នាំ រស់នៅភូមិភ្នំក្ងាប ឃុំស្វាយទងខាងជើង ស្រុកកំពង់ត្រាច ខេត្តកំពត បានរត់គេចខ្លួនបាត់ស្រមោល ក្រោយពេលកើតហេតុ ។ ប៉ុន្ដែទោះជាយ៉ាងណា សមត្ថកិច្ចជំនាញ កំពុងតែធ្វើការស្រាវជ្រាវយ៉ាងដុតដៃដុតជើង ដេីម្បីស្វែងរកចាប់ខ្លួនអ្នកបិទស្រាសរូបនោះ យកមកឱ្យទទួលខុសត្រូវចំពោះមុខច្បាប់៕ដោយ៖សហការី
