ភ្នំពេញ៖ រថយន្តដឹកភេសជ្ជៈមួយគ្រឿង ខណៈអ្នកបើកបរ បួងចង្កូត គេចពីរថយន្តមួយគ្រឿងឆ្លកាត់ពីមុខបណ្តាលឲ្យក្រឡាប់ចាក់ទំនិញតែបៃតងរាយប៉ាយពេញផ្លូវ តែសំណាងល្អមិនមានអ្នករងរបួសទេ គ្រាន់តែអ្នកបើកបរភ័យលស់ព្រលឹងប៉ណ្ណោះ ។
ករណីគ្រោះថ្នាក់ចរាចរណ៍នេះកើតឡើងនៅវេលាម៉ោង៣និង៤០នាទីទៀបភ្លឺថ្ងៃទី២២ ខែមីនា ឆ្នាំ២០១៦ នៅតាមបណ្តោយផ្លូវវេងស្រេងកែងត្រង់ស្តុប៣០ម៉ែត្រ ស្ថិតនៅភូមិតំណាក់ធំសង្កាត់ស្ទឹងមានជ័យ ខណ្ឌមានជ័យ ។
បើតាមសម្តីរបស់ព្រូរថយន្តដែលក្រឡាប់ខាងលើនេះបានឲ្យដឹងថា មុនពេលកើតហេតុ អ្នកបើកបររថយន្តយីឌុប ម៉ាកហ៊ីណូ ពណ៌ស ពាក់ស្លាកលេខភ្នំពេញ 3B3918 មិនស្គាល់ឈ្មោះម្នាក់ដឹកតែបៃតងពេញរថយន្តយកទៅបោះឲ្យម៉ូយដោយ បើកបរតាមផ្លូវវេងស្រេងពីលិចទៅកើត ។លុះមកដល់ចំណុចស្តុបខាងលើបានបត់ឆ្វេងចូលផ្លូវតាមផ្លូវ៣០ម៉ែត្រ វាក់នឹងរថយន្តមួយគ្រឿងទៀតបើកកាត់មុខ ធ្វើឲ្យអ្នកបើកបររថយន្តដឹកតែបៃតងបួងចង្កូតគេចនឹងរថយន្តនោះបណ្តាលឲ្យក្រឡាប់ចាក់ចោលតែបៃតងទៅចិញ្ចើមផ្លូវ តែម្តង ប៉ុន្តែសំណាងល្អមិនបណ្តាលឲ្យមានអ្នករងរបួសទេ ។
ក្រោយពេលកើតហេតុអ្នកបើកបរ បានទូរស័ព្ទប្រាប់ថៅកែឲ្យយករថយន្តមួយគ្រឿងទៀតមកផ្ទេរទំនិញហើយហៅ រថយន្តស្ទួចមកស្ទួចរថយន្តយកទៅជួសជុលវិញ៕
ដោយ៖ ប្រាថ្នា
