ក្រុងប៉ោយប៉ែត៖ កម្លាំងអាវុធហត្ថក្រុងប៉ោយប៉ែត ឃាត់ខ្លួនជនសង្ស័យយ៉ាងសកម្មកាច់សោកម៉ូតូ លួចម៉ូតូ ចំនួនបីនាក់ជាបន្តបន្ទាប់ និងឃាត់ខ្លួន អ្នកទិញផល ចោរកកម្មពីរនាក់បញ្ជូនទៅតុលាការ ។
បើតាមការឲ្យដឹងពីលោកអនុសេនីយ៍ឯក ជា ដា មេបញ្ជាការកងរាជអាវុធហត្ថ ក្រុងប៉ោយប៉ែតបញ្ជាក់ ថាៈ ជនសង្ស័យបីនាក់ដែលធ្វើសកម្មភាពលួច និងកាច់សោម៉ូតូនេះ គីកំលាំង លោកបានឃាត់ខ្លួនជាបន្តបន្ទាប់ចាប់ពីថ្ងៃទី២១ និងទី២២ ខែមីនា ឆ្នាំ២០១៦ ដែលក្រុមចោរទាំងបីនាក់នេះ ធ្វើសកម្មភាពកាច់សោម៉ូតូ អ្នកស្រុកនៅចំណុចកាស៊ីណូហ្គ្រែន ដាយម៉ន ឋិតក្នុងភូមិក្បាលស្ពាន១ សង្កាត់ប៉ោយប៉ែត ក្រុង ប៉ោយប៉ែត ខេត្តបន្ទាយមានជ័យ ។
លោកបន្តថា ជនសង្ស័យទាំងបីនាក់នេះ ទី០១មានឈ្មោះ លីវ ស្វិត ភេទប្រុស អាយុ១៦ឆ្នាំ ទីលំនៅ មិនពិតប្រាកដ ទី០២មានឈ្មោះ ទូច សុក្រិត ហៅសុផល ហៅប៉ាវ ភេទប្រុស អាយុ៣៦ឆ្នាំ ទីលំនៅមិនពិតប្រាកដ ទី០៣ឈ្មោះ រ៉ាន់ ឆៃ ភេទប្រុស អាយុ២០ឆ្នាំ មានទីលំនៅក្នុងភូមិក្បាលកោះ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ក្រោយពីទទួលពាក្យបណ្ដឹងរបស់ជនរងគ្រោះ កម្លាំអាវុធហត្ថបាន ស្រាវជ្រាវដកហូតបានម៉ូតូចំនួន៤គ្រឿង ក្នុងនោះមានម៉ូតូម៉ាកឃ្លិក ពណ៍ស គ្មានស្លាកលេខ ទី០២ ម៉ូតូម៉ាកឃ្លឹក ពណ៌ ក្រហម អត់ស្លាកលេខ ទី៣ ម៉ូតូម៉ាកស្កូបពី ពណ៍ផ្កាឈូក គ្មានស្លាកលេខ ទី៤ ម៉ូតូម៉ាកស្កូពី ពណ៌ផ្កាឈូក គ្មានស្លាកលេខ ព្រមទាំងឃាត់ខ្លួន អ្នកទទួលផលចោរកម្ម ពីរនាក់ទី០១មានឈ្មោះ ផុន ផន ភេទប្រុស អាយុ៣៦ឆ្នាំ ទី០២មាន ឈ្មោះ ផុន ប៊ុនធឿន ភេទប្រុស អាយុ២៩ឆ្នាំ អ្នកទាំងពីររស់នៅក្នុងភូមិក្បាលស្ពាន់១ សង្កាត់ប៉ោយប៉ែត ក្រុងប៉ោយប៉ែត ។
លោកបញ្ជាក់ថា ក្រោយពីសាក់សួរកសាងសំណុំរឿងជនសង្ស័យបីនាក់ ដែលខាងសកម្មលូច និងកាចសោរម៉ូតូនោះ គេបានឆ្លើយសារភាពថា ដូចពាក្យសមត្ថកិច្ចចោទសួរមែន ក្រោយពី កសាងសំណុំរឿង ទាំងជនសង្ស័យ ទាំងអ្នកទទួលផលចោរកម្ម និងបញ្ជូនទៅកងរាជអាវុធហត្ថខេត្តបន្ទាយមានជ័យដើម្បីចាត់ការតាមផ្លូវច្បាប់ ៕
ដោយ៖ វណ្ណា
