ភ្នំពេញៈ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានថ្លែងមុននេះបន្តិចក្នុងហ្វេសប៊ុកសម្តេចថាៈ « ទឹកមានសារ:សំខាន់ណាស់ សម្រាប់ជីវិតមនុស្ស និងសត្វ »ដូច្នេះកាកបាទក្រហមកម្ពុជាបានផ្តល់អណ្តូងទឹកជូនប្រជាពលរដ្ឋ ដើម្បីសម្រួលនូវការលំបាក ។
ទឹកបានបង្ហាញថា អាចមានកម្រិតផ្លាស់ប្តូរជីវភាព និងជីវិតរស់នៅ របស់មនុស្សក្នុងការប្រកបមុខរបររបស់ខ្លួន ហើយថែមទាំងអាចប្រែក្លាយសេដ្ឋកិច្ចគ្រួសារ និងសង្គមជាតិអោយមានការរីកចម្រើនប្រសើរឡើង ។
សម្តេចកិត្តិព្រឹទ្ធបណ្ឌិតបន្តថាៈ កាកបាទក្រហមកម្ពុជាបានផ្សព្វផ្សាយអប់រំ អំពីអនាម័យទឹកស្អាត និងធ្វើយុទ្ធនាការទិវាពិភពលោកទឹក ជារៀងរាល់ឆ្នាំនៅតាមសាខា និងអនុសាខាទូទាំង២៥ខេត្ត ក្រុង នៃព្រះរាជាណាចក្រកម្ពុជា ៕សុខ ខេមរា
...
