ខេត្តកោះកុង, បើយោងតាមប្រភពពី៖ រដ្ឋបាលខេត្តកោះកុង បានបញ្ជាក់អោយដឹងថា, នៅថ្ងៃសុក្រទី១៣ ខែសីហា ឆ្នាំ២០២១ លោក ស្រេង ហុង អភិបាលរង នៃគណៈអភិបាលខេត្តកោះកុង បានអញ្ជើញជាអធិបតីដឹកនាំកិច្ចប្រជុំពិភាក្សាការងារត្រៀមរៀបចំសាលារៀន ដើម្បីឱ្យសិស្សានុសិស្ស ចូលរៀនឡើងវិញ។

ក្នុងឱកាសនោះដែរ លោកអភិបាលរង សូមឱ្យអ្នកពាក់ព័ន្ធជួយរៀបចំ កែលម្អសាលាដែលបានដាក់ជាមណ្ឌលចត្តាឡីស័ក រឺមណ្ឌលព្យាបាលជំងឺកូវីដ-១៩ ឱ្យបានល្អប្រសើរឡើងវិញ ដើម្បីត្រៀមឱ្យសិស្សានុសិស្ស បានចូលរៀនឡើងវិញនាពេលខាងមុខនេះ ជាមួយគ្នានេះផងដែរប្រធានមន្ទីរអប់រំ យុវជន និងកីឡាខេត្ត គណៈគ្រប់គ្រងសាលាត្រូវចូលរួមយកចិត្តបំផុតតាមគោលការណ៍ណែនាំនានា របស់ក្រសួងអប់រំ និងក្រសួងសុខាភិបាលឱ្យបានខ្ជាប់ខ្ជួនបំផុត៕

ដោយ, សិលា