ខេត្តកណ្តាលៈ​ មានករណីគ្រោះថ្នាក់ចរាចរណ៍
មួយបានកើតឡើងកាលពីវេលាម៉ោង២​និង៣០នាទីថ្ងៃទី២៧​ ខែមីនា​ ឆ្នាំ២០១៦​ ចំណុចភូមិ ទួលងោក ឃុំកំពង់លួង ស្រុកពញាឮ លើកំណាត់ផ្លូវជាតិលេខ៥ ចន្លោះគីឡូម៉ែត្រ(៣១_៣២)។
គ្រោះថ្នាក់ចរាចរណ៍បង្ករឡើងរវាង ម៉ូតូម៉ាកសេ១២៥ ពណ៌ខ្មៅ ស្លាកលេខភ្នំពេញ1CE-5563 បើកបរក្នុងទិសដៅពីត្បូងទៅជើងដោយឈ្មោះឌឹមពន្លកភេទប្រុស អាយុ២៦ឆ្នាំ ទីលំនៅភូមិសសី ឃុំកោះចិន ស្រុកពញាឮ
ខេត្តកណ្តាល (រងរបួសធ្ងន់)អ្នករួមដំណើរពីរនាក់គឺមានឈ្មោះ
១-ឈ្មោះឆាំង សិដ្ឋ ភេទប្រុស អាយុ២៦ឆ្នាំ(ភូមិឃុំជាមួយគ្នា)(រងរបួសធ្ងន់)និងទី២-ឈ្មោះ រ៉េម ភេទប្រុស អាយុ២៥ឆ្នាំ (ភូមិឃុំជាមួយគ្នា)(រងរបួសធ្ងន់)
មុនពេលកើតហេតុនៅថ្ងៃខែឆ្នាំ កើតហេតុខាងលើ នៅពេលដែលម៉ូតូខាងលើបើកបរមកដល់កន្លែងកើតហេតុក៏បានបុកគ្នាជាមួយរថយន្តមួយគ្រឿង ម៉ាកហ៊ីយ៉ាន់ដាយ ពណ៌ស ពាក់ស្លាកលេខកណ្តាល2A-3684ដែលកំពុងបើកបរ(ច្រាស់ទិសគ្នា ទិសដៅពីជើងទៅត្បូង)(កំពង់ឆ្នាំង-ភ្នំពេញ)​ ក្រោយពីកើតហេតុអ្នកបើកបរគេចខ្លួនក្រោយពេលកើតហេតុ
ហើយកំលាំងជំនាញបានចុះដល់កន្លែងកើតហេតុបន្ទាន់
ធ្វើការគូសដៅកន្លែងកើតហេតុ រួចនាំយកមធ្យោបាយពាក់ព័ន្ធមករក្សាទុក បណ្តោះអាសន្ននៅអធិការដ្ឋានដើម្បីអង្កេតស្រាវជ្រាវតាមនីតិវិធីច្បាប់។​ សុខ​ ខេមរា