ភ្នំពេញ៖ ជនសង្ស័យម្នាក់បានធ្វេីសកម្មភាពលួចកាត់ខ្សែភ្លេីងរដ្ឋដែលនៅជាប់ស្ពានអាកាសក្បាលថ្នល់ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ហើយខណៈកំពុងធ្វេីសកម្មភាពក៏ត្រូវប្រជាពលរដ្ឋឃេីញរាយការណ៍ទៅសមត្ថកិច្ចចុះមកធ្វេីការឃាត់ខ្លួនភ្លាមៗតែម្តង។
ហេតុការណ៍នេះបានកេីតឡេីងកាលពីវេលាម៉ោង១០យប់ ថ្ងៃទី២៦ ខែសីហា ឆ្នាំ២០២១។
ជនសង្ស័យឈ្មោះអាន ឡូយសុខចាន់ ភេទប្រុស អាយុ៣៨ឆ្នាំ មុខរបរនិងទីលំនៅមិនពិតប្រាកដ។
តាមប្រភព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុអ្នកដំណេីរបានប្រទះឃេីញជនសង្ស័យកំពុងធ្វេីសកម្មភាពកាត់ខ្សែភ្លេីងដែលនៅក្រោមស្ពានអាកាសក្បាលថ្នល់ ហើយក៏រាយការណ៍ទៅសមត្ថកិច្ចតែម្តង។
ក្រោយពីទទួលបានព័ត៌មាននេះភ្លាមកម្លាំងនគរបាលប៉ុស្តិ៍ទន្លេបាសាក់បានចុះមកដល់ចំណុចកេីតហេតុនិងនាំខ្លួនជនសង្ស័យយកទៅសួរនាំដេីម្បីចាត់ការតាមច្បាប់៕
...
ដោយ៖សុខាសែនជ័យ
