ភ្នំពេញ ៖ បុរសម្នាក់ត្រូវបានរថយនមន្ទីរពេទ្យ បង្អែក ដង្កោដឹកយកទៅសង្គ្រោះភ្លាមៗខណៈពេលរូបគាត់ កំពុងជិះម៉ូតូមួយគ្រឿង ហើយត្រូវបានរថយន្តស៊ីនទ្រីបត់ស្ដាំឆ្លងផ្លូវមិនប្រយត្ត័បុកពីចំហៀង​ពេញទំហឹង។ ហេតុការគ្រោះថ្នាក់ចរាចរណ៍ខាងលើនេះកើតឡើងកាលពីវេលាម៉ោង12និង40នាទីថ្ងៃត្រង់ ថ្ងៃទី20 ខែកក្កដា ឆ្នាំ2015 នៅតាមបណ្ដោយផ្លូវ217 កែងនិងផ្លូវលំ​ ខាងជើងក្រុមហ៊ុនស្រាបៀរកម្ពុជា ប្រហែល
200ម៉ែត្រ ស្ថិតក្នុងភូមិជើងឯក សង្កាត់ដង្កោ ខណ្ឌដង្កោ។
តាមសាក្សីនៅនិងកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់ជិះម៉ូតូ មួយគ្រឿងម៉ាកគុបជ្រុង ពណ៌ប្រផេះ គ្មានស្លាកលេខ ជិះក្នុងទិសដៅពីជើងទៅត្បូងតាមបណ្ដោយផ្លូវ217 ល្បឿនល្មម ភ្លាមនេះស្រាប់តែមានរថយន្តស៊ីនទ្រីមួយគ្រឿងពណ៌ខៀវ មិនមានស្លាកលេខ បើកបរទិស ដៅពីលិចទៅកើតតាមបណ្ដោយផ្លូវលំកែងនិង217 ក្នុងល្បឿនលឿនដល់ចំនុចកើតហេតុបានបត់បានបត់ ស្ដាំទាំងមិនបានបន្ថោយល្បឿនក៏ជ្រុលចង្កូតបុកនិងនាក់ជិះម៉ូតូចំចហៀងពេញទំហឹងបណ្ដាលឲ្យផ្ទុបទៅនិងផ្លូវរងរបួសធ្ងន់។ដោយឡែកខាងរថយន្តបង្កបានបើកទ្វារថយន្តរត់គេចខ្លួនបាត់ស្រមោលសូន្យឈឹង។រីឯជនរងគ្រោះត្រូវបានរថយន្តមន្ទីពេទ្យបង្អែក ដង្កោដឹងយកទៅសង្គ្រោះភ្លាមៗផងដែរ។
ប្រភពព័ត៌មានពីសមត្ថកិច្ចបានឲ្យដឹងថា ជនរងគ្រោះមានឈ្មោះកង រៃ ភេទប្រុសអាយុ30ឆ្នាំ មុខរបរ ជាសន្តិសុខ ស្នាក់នៅផ្ទះជួល ស្ថិតក្នុងភូមិជើងឯក សង្កាត់ដង្កោ ខណ្ឌដង្កោ និងមានប្រពន្ឋមិនទាន់មាន កូន។
ក្រោយពេលកើតហេតុសមត្ថកិច្ចប៉ុស្តិ៍នគរបាលរដ្ឋាបាលខណ្ឌដង្កោ បានចុះទៅដល់កន្លែងកើតហេតុ និងធ្វើការវាស់វែងរួចយករថយន្តនិងម៉ូតូមករក្សាទុកនៅអធិការដ្ឋាននគរបាលដង្កោ រងចាំដោះស្រាយគ្នា នាពេលក្រោយ៕ជីម ភារ៉ា