ល្បែងស៊ីសង​នៅ​ស្រុក​អង្គរបុរី​ដំណើរការ​ជា​ធម្មតា​ គ្រាន់តែ​មិន​ជាប់​ពាក់ព័ន្ធ​នឹង​មន្ត្រី​យោធា​

ចែករំលែក៖

​ខេត្តតាកែវ​៖​ គេ​រាយការណ៍​ថា​ ល្បែងស៊ីសង​នៅ​ស្រុក​អង្គរបុរី​ ខេត្តតាកែវ​ដែល​ល្បីល្បាញ​ជា​យូរ​មក​ហើយ​នោះ​នៅ​តែ​ដំណើរការ​ជា​ធម្មតា​ ដោយ​គ្រាន់តែ​មិន​ជាប់​ពាក់ព័ន្ធ​ជាមួយ​មន្ត្រី​យោធា​ក្នុងស្រុក​នេះ​តែ​ប៉ុណ្ណោះ​ ។​ សេចក្តីរាយការណ៍​បាន​ឲ្យ​ដឹង​ថា​ បន្ទាប់​ពី​សម្រាក​មួយ​រយៈ​ ល្បែងស៊ីសង​ច្រើន​មុខ​ ដូច​ជា​អាប៉ោង​ បៀរ​ យូគី​ មាន់​ជល់​ ខ្លា​ឃ្លោក​ ស្ថិត​ក្នុងភូមិ​សាស្ត្រ​ភូមិ​សាមគ្គី​ ឃុំ​អង្គរបុរី​ ស្រុក​អង្គរបុរី​ បាន​ដំណើរការ​ឡើង​វិញ​ ។​
​ប្រភព​ព័ត៌មាន​បាន​ឲ្យ​ដឹង​ថា​ ល្បែងស៊ីសង​នៅ​ទីតាំង​ខាងលើ​បាន​បើក​លេង​ខួប​ប្រាំង​ ខួប​វស្សា​ ដោយ​មិន​មាន​សមត្ថកិច្ច​ជំនាញ​ ឬ​អាជ្ញាធរ​ដែនដី​បង្ក្រាប​នោះ​ឡើយ​ ។​ ប្រភព​បាន​បន្ថែម​ថា​ បន្ទាប់​ពី​សារព័ត៌មាន​នគរវត្ត​បាន​ចុះ​ផ្សាយ​ នោះ​អាជ្ញាធរ​ខេត្តតាកែវ​បាន​បញ្ជា​ឲ្យ​អាជ្ញាធរ​ស្រុក​អង្គរបុរី​ផ្អាក​សកម្មភាព​ វង់ល្បែង​ស៊ីសង​អនាធិបតេយ្យ​ទាំងនោះ​ ។​ ប៉ុន្តែ​បាន​មួយ​រយៈពេល​ខ្លី​ វង់ល្បែង​ស៊ីសង​នោះ​បាន​ចាប់ផ្តើម​ដំណើរការ​ឡើង​វិញ​ ដែល​ដំបូង​ឡើយ​ត្រូវ​គេ​អះអាង​ថា​ ក្រោម​ការ​ចាត់ចែង​របស់​មន្ត្រី​យោធា​ស្រុក​ ឈ្មោះ​ ហួ​ន​ ថន​ ។​
​លោក​ ហួ​ន​ ថន​ មេបញ្ជាការ​រង​យោធា​ស្រុក​អង្គរបុរី​បាន​អះអាង​ថា​ លោក​មិន​ពាក់ព័ន្ធ​នឹង​វង់ល្បែង​ស៊ីសង​ខាងលើ​នេះ​ទេ​ ។​ និយាយ​រួម​ទៅ​ លោក​គ្មាន​សមត្ថកិច្ច​អ្វី​ជាមួយនឹង​វង់ល្បែង​នោះ​ឡើយ​ ។​ លោក​បញ្ជាក់​ថា​ ជួនកាល​បាន​ឆ្លងកាត់​កន្លែង​ជល់​មាន់​ ឬ​ក៏​ធ្វើ​ដំណើរ​ឆ្លងកាត់​វង់ល្បែង​ផ្សេងៗ​ ប៉ុន្តែ​មិន​បាន​ចាប់អារម្មណ៍​ ឬ​ក៏​ពាក់ព័ន្ធ​ជាមួយ​វង់ល្បែង​នេះ​ឡើយ​។​
​សម្រាប់​ប្រជាពលរដ្ឋ​មួយ​ចំនួន​ធំ​នៅ​ស្រុក​អង្គរបុរី​ដែល​មិន​និយម​លេងល្បែង​ស៊ីសង​រំពឹង​ថា​ អាជ្ញាធរ​ខេត្ត​នឹង​ចាត់វិធានការ​ក្តៅ​ដើម្បី​បង្ក្រាប​វង់ល្បែង​ស៊ីសង​នេះ​ដល់​ឫសគល់​ ប្រយោជន៍​គោរព​ឲ្យ​បាន​នូវ​គោលនយោបាយ​ភូមិ​ ឃុំ​មាន​សុវត្ថិភាព​ ។​ និយាយ​រួម​ទៅ​វង់ល្បែង​នៅ​កណ្តាល​ទីរួមស្រុក​អង្គរបុរី​ បង្ក​ហា​និ​យ​ភ័យ​ច្រើន​ណាស់​ដល់​ប្រជាពលរដ្ឋ​ ៕​

20150701-160111.jpg

20150701-160116.jpg

20150701-160120.jpg

...

20150701-160124.jpg


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print