ភ្នំពេញៈ នៅថ្ងៃទី ៧ ខែកញ្ញា ឆ្នាំ២០២១ វេលាម៉ោង ១៦និង ៣០នាទីល្ងាច កម្លាំងជំនាញខណ្ឌបានធ្វើការឃាត់ខ្លួនជនសង្ស័យម្នាក់ ជាក់ស្ដែងករណីជួញដូរដោយខុសច្បាប់នូវសារធាតុញៀន ត្រង់ចំណុច ក្រុម៤ ភូមិទួលសំពៅ សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ។
លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវ ជាលទ្ធផលកម្លាំងជំនាញខណ្ឌបានធ្វើការឃាត់ខ្លួន ជនសង្ស័យខាងលើស្រាប់តែលូកកាបូបស្ពាយរបស់ខ្លួនយកដំបងឆក់មកវាយមន្រ្តីនគរបាលខណ្ឌឫស្សីកែវផងដែរ។
ជនសង្ស័យឈ្មោះ ផាត ផានិត ភេទ ប្រុស អាយុ ២០ ឆ្នាំ ជនជាតិ ខ្មែរ មានទីលំនៅ ក្រុម៤ ភូមិទួលសំពៅ សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ មុខរបរ មិនពិតប្រាកដ ។
សម្ភារ:ដកហូតបានរួមមាន:
+ក្រាមពណ៌-ស ថ្លា សង្ស័យជាគ្រឿញៀនចំនួន ០២ កញ្ចប់។
+ដំបងឆក់01គ្រឿង និងវិទ្យុទាក់ទង01គ្រឿង។
បច្ចុប្បន្នជនសង្ស័យ កំពុងស្ថិតក្នុងដំណាក់កាលកម្លាំងជំនាញខណ្ឌកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញ នឹងអនុវត្តតាមនីតិវិធី៕ ដោយ:ជីណា
