ភ្នំពេញ, នាព្រឹកថ្ងៃពុធ ២កេីត ខែភទ្របទឆ្នាំឆ្លូវ ត្រីស័ក ពស ២៥៦៥ ត្រូវនិងថ្ងៃទី៨ខែ កញ្ញា ឆ្នាំ២០២១ លោក ឧត្តមសេនីយ៍ឯក តាន់ សុវិជ្ជា ប្រធានលេខាធិការដ្ឋានគណ:កម្មាធិការប្រយុទ្ធប្រឆាំង ផលិតផលក្លែងក្លាយ គ.ប.ផ.ក តំណាង នាយឧត្តមសេនីយ៍ មៀច សុផាន់ណា រដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម បានអញ្ជេីញទទួលជំនួយឱសថបុរាណចិនចំនួន ២០,០០០ប្រអប់ពីក្រុមហ៊ុមនឌីណាមុិចហ្វាម៉ាត និងអុីលីញ។
សូមបញ្ជាក់ថា, ពិធីទទួលជំនួយឱសថបុរាណចិនចំនួន ២០,០០០ប្រអប់ពីក្រុមហ៊ុនឌីណាមុិចហ្វាម៉ាត និងអុីលីញ នាឱកាសនោះមានការអញ្ជើញចូលរួមពីបណ្ឌិតឱសថសាស្រ្ត ឯម វុឌ្ឍីន៍ ប្រធានមន្ទីរពិសោធន៍ និង លោក ឧត្តសេនីយ៍ទោ ជាអនុសប្រធាលេខាធិការដ្ឋាន គ.ប.ផ.ក ព្រមទាំងថ្នាក់ដឹកនាំ និងមន្ត្រីមួយចំនួនទៀត ដោយមានការប្រតិបត្តិយ៉ាងខ្ជាប់ខ្ជួនទៅតាមវិធានការសុខាភិបាលរបស់រាជរដ្ឋាភិបាល និងក្រសួងសុខាភិបាល។
អញ្ជើញមានប្រសាសន៍នាឱកាសនោះ លោកឧត្តមសេនីយ៍ឯក តាន់ សុវិជ្ជា ក្នុងនាម នាយឧត្តមសេនីយ៍ មៀច សុផាន់ណា បានថ្លែងអំណរគុណជូនក្រុមហ៊ុនឌីណាមុិចហ្វាម៉ាត និងអុីលីញដែលបានរួមចំណែកជាមួយរាជរដ្ឋាភិបាលកម្ពុជានិយាយជារួម និងដោយឡែកបានផ្ដល់ជូនឱសថបុរាណចិនចំនួន២០ម៉ឺនប្រអប់នាថ្ងៃនេះ ដើម្បីរួមគ្នាប្រយុទ្ធប្រឆាំងនឹងការរីករាលដាលជំងឺកូវីដ-19៕
ដោយ, សិលា
