ប្រទេសថៃៈ​ នាព្រឹកថ្ងៃទី ២៩ មីនា ឆ្នាំ២០១៦ ឯកអគ្គរាជ/រដ្ឋទូតមកពីប្រទេសជាច្រើនប្រចាំនៅក្រុងបាងកក រួមទាំងកម្ពុជាផង បានចូលរួមក្នុងជំនួបលើកទី ២ រវាងនាយកប្រតិបតិ្តក្រុមហ៊ុនធំៗរបស់ប្រទេសថៃ ជាមួយអង្គទូត ហៅថា CEO Forum រៀបចំដោយ លោក Apichart Chinwanno អគ្គលេខាធិការក្រសួងការបរទេសថៃ។

លោក Supachai Chearavanont អនុប្រធានក្រុមហ៊ុន Charoen Phokphan (CP)បានធ្វើបទបង្ហាញសី្តពីប្រតិបតិ្តការ និងទស្សនវិស័យរបស់ក្រុមហ៊ុន។ CP ជាក្រុមហ៊ុុនធំបំផុតនៅប្រទេសថៃ ដែលផ្តោតធុរកិច្ចលើវិស័យកសិ-ឧស្សាហកម្ម និងទូរគមនាគមន័ មានសាខា ២០០ នៅប្រទេសចំនួន១៨ រួមទាំងកម្ពុជាផង និងមានបុគ្គលិកបំរើការសរុប ៣០០.០០០ នាក់៕​

ដោយ៖​ សុខ​ ខេមរា