ខេត្តពោធិ៍សាត់៖ កម្លាំងនគរបាលស្រុកវាលវែងបង្រ្កាបអ្នករុករានទន្រ្ទានដីព្រៃ និងវាស់វែងចាត់ចែងលក់ដូរបាន ២នាក់រួមទាំងសម្ភារប្រគល់ឲ្យមន្ត្រីជំនាញរដ្ឋបាលព្រៃឈើអនុវត្តបន្ត។
ប្រតិបត្តិការនេះប្រព្រិត្តឡើងកាលពីព្រឹកថ្ងៃទី២៩ ខែមីនា ឆ្នាំ២០១៦ ត្រង់ចំណុចស្មែត ស្ថិតក្នុងភូមិសំលាញ ឃុំក្រពើរពី ស្រុកវាលវែង ខេត្តពោធិ៍សាត់។
ប្រពភព័ត៌មានពីនគរបាលប្រាប់ថា ជនសង្ស័យរុករានទន្រ្ទានដីព្រៃត្រូវឃាត់ខ្លួនទី១-ឈ្មោះ ញឹម វុទ្ធី ភេទប្រុស អាយុ ៤០ឆ្នាំ និងទី២-ឈ្មោះ អ៊ុក ប៊ុនធឿន ភេទប្រុស អាយុ៤១ឆ្នាំ អ្នកទាំង២រស់នៅកន្លែងកើតហេតុស្ថិតក្នងភូមិឃុំខាងលើ។
ប្រភពបន្តថា ជនសង្ស័យជាមុខសញ្ញារុកទន្រ្ទានដីព្រៃរបស់រដ្ឋ និងវាស់វែងចាត់ចែងលក់ដូរទៀតផង ក្នុងនោះកម្លាំងដកហូតវត្ថុតាង និងសម្ភាររួមមានដូចជា អាវុធកែច្នៃ និងការប្រើប្រាស់វិទ្យុទាក់ទងជាក្រុមដោយគ្មានការអនុញាតិ។
ប្រភពដ៏ដែលបន្តទៀតថា ករណីនេះកម្លាំងសមត្ថកិច្ចនគរបាលកំពុងបំពេញសំណុំបែបបទបញ្ជូនខ្លួនជនសង្ស័យយកទៅប្រគល់ឲ្យមន្រ្តីជំនាញផ្នែករដ្ឋបាលព្រៃឈើវាលវែង ដើម្បីបន្តតាមនីតិវិធីនៅព្រឹកថ្ងៃទី៣០ ខែមីនា ឆ្នាំ២០១៦នេះ ៕
ដោយ៖ ប៉ឹម ពិន