កំពង់ស្ពឺ ៖ បុរសអ្នកដើររើសអេតចាយម្នាក់បានដាច់ដៃស្តាំម្ខាងហើយត្រូវបានដឹកបញ្ជូនទៅសង្គ្រោះនៅមន្ទីរពេទ្យបង្អែកខេត្តភ្លាមៗខណះដែលចូលទៅក្នុងតមបន់ហាមឃាត់ក្នុងបន្ទាយទាហានអាសេអូ។
ហេតុការណ៍ផ្ទុះគ្រាប់ខាងលើនេះបានភ្ញាក់ផ្អើលកាលពីវេលាម៉ោង ៨និង ១៥នាទីព្រឹកថ្ងៃទី២០ ខែកក្កដា ឆ្នាំ២០១៥ នៅចំណុចតំបន់ហាមឃាត់របស់បន្ទាយទាហានអាសេអូ ស្ថិតនៅក្នុងឃុំមហាសាំង ស្រុកភ្នំស្រួច ខេត្តកំពង់ស្ពឺ។
ប្រភពព័ត៌មានបានឲ្យដឹងថាប្រជាពលរដ្ឋម្នាក់ដែលរងរបួសត្រូវបានគេស្គាល់ឈ្មោះ ឆាយ សារ៉ុន ភេទប្រុសអាយុ៣២ឆ្នាំមុខរបរដើរើសអេតចាយ រស់នៅភូមិសេរីវន្ត ឃុំមហាសាំង ស្រុកភ្នំស្រួច ខេត្តកំពង់ស្ពឺ។
ប្រភពបានបន្តថានៅមុនពេលកើតហេតុជនរងគ្រោះបានលួចចូលទៅរើសអេតចាយនៅតំបន់ហាមឃាត់ទីលានបាញ់គ្រាប់ពិត របស់ទាហានអាសេអូ បណ្ដាលឲ្យផ្ទុះគ្រាប់មួយមិនដឹងប្រភេទអ្វីនោះទេបណ្តាលឲ្យ រងរបួសដាច់ប្រអប់ដៃស្តាំម្ខាង ហើយត្រូវបានក្រុមគ្រួសារដឹកបញ្ជូនទៅព្យាបាលនៅមន្ទីរពេទ្យខេត្តកំពង់ស្ពឺដើម្បីសង្គ្រោះ។
នៅពេលដែលក្រុមអ្នកយកព័ត៌មានព្យាយាមទៅដល់កន្លែងទីតាំង កើតហេតុ ប៉ុន្តែត្រូវបានកម្លាំងយោធាដែលយាមកាមនៅទីនោះហាមមិនឲ្យចូលទេ ដោយនិយាយថាកម្លាំងយើងកំពុងចាត់ការបន្តមិនទាន់ឲ្យចូលទេ៕ សេនា សក្តិ
