ភ្នំពេញ៖ ស្ត្រីម្នាក់បានសម្រេចចិត្តយកខ្សែចង-ក សម្លាប់ខ្លួនក្នុងបន្ទប់ខ្លួនដោយមិនដឹងអំពីមូលហេតុបង្កការភ្ញាក់ផ្អេីលកាលពីវេលាម៉ោង៤និង២០នាទីរសៀល ថ្ងៃទី២១ ខែកញ្ញា ឆ្នាំ២០២១ ស្ថិតនៅចំណុចផ្ទះលេខ455ផ្លូវបេតុងភូមិថ្មគោល១ សង្កាត់ចោមចៅ២ ខណ្ឌពោធិ៍សែនជ័យ។
ជនរងគ្រោះឈ្មោះហុង សុខខឿន ភេទស្រីអាយុ៤១ឆ្នាំ មុខរបរធ្វើការរោងចក្រ បច្ចុប្បន្នស្នាក់នៅកន្លែងកើតហេតុខាងលើ។
ប្រភពព័ត៌មានពីកន្លែងកេីតហេតុបានឱ្យដឹងថា នៅមុនពេលកើតហេតុ តាមសម្ដីរបស់ឈ្មោះ វ៉ា សុគន្ធធារី ភេទស្រីអាយុ៣៧ឆ្នាំត្រូវជាបងថ្លៃសពបានឲ្យដឹងថាជនរងគ្រោះមិនស្រួលខ្លួនហើយក៏មិនបានទៅធ្វើការដែរ នៅពេលវេលាកេីតហេតុ កូនស្រីរបស់គាត់ឈ្មោះ ស្រីនូ អាយុ៩ឆ្នាំបានទៅបើកទ្វារហៅជនរងគ្រោះមកហូបបានស្រាប់តែឃើញជនរងគ្រោះចង-ក ស្លាប់បាត់ទៅហើយទេីបបង្កការភ្ញាក់ផ្អេីលនិងរាយការណ៍ទៅសមត្ថកិច្ចចុះពិនិត្យជាក់ស្តែង។
បច្ចុប្បន្ន សពជនរងគ្រោះរង់ចាំក្រុមគ្រូពេទ្យយកសំណាក និងប្រគល់សពទៅក្រុមគ្រួសារយកទៅធ្វេីបុណ្យតាមប្រពៃណី៕ ដោយ៖សុខាសែនជ័យ
