ភ្នំពេញ៖ កំលាំងល្បាតប៉ុស្តិ៍ចោមចៅធ្វើការឃាត់នារីរូបស្រស់បំរើការ ខារ៉ាអូខេ ២នាក់ រួមនឹងថ្នាំញៀនប្រភេទម៉ាទឹកកក១កញ្ចប់ យកមកសួរនាំកាលពីវេលាម៉ោង ៣រសៀល ថ្ងៃទី ៣១ មិនា ២០១៦ នៅតាមផ្លូវបេតុងផ្សារឯករាជ្យ២ ភូមិព្រៃព្រីងខាងជើង សង្កាត់ចោមចៅ ខណ្ឌពោធិសែនជ័យ ។
នារីទាំង២នាក់នោះទី១មានឈ្មោះ សៀង និច អាយុ ១៨ឆ្នាំស្នាក់កន្លែងកើតហេតុមាន ស្រុកកំណើតភូមិកក់ ឃុំកក់ ស្រុកបសេដ្ឋ ខេត្តកំពង់ស្ពឺ។ ទី២ឈ្មោះ អ៊ុក ស្រីលីន អាយុ ២០ឆ្នាំ ស្នាក់កន្លែងកើតហេតុ មានស្រុកកំណើតនៅភូមិ ដំណាក់ចំបក់ ឃុំសំរោងលើ ស្រុកបន្ទាយមាស ខេត្តកំពត នាក់ទាំង២នាក់ធ្វើការនិងស្នាក់នៅក្នុងហាងខារ៉ាអូខេ តន្ត្រីឬស្សីមាស។
តាមប្រភពពីកន្លែងកើតហេតុ បានអោយដឹងថា នៅមុនពេលកើតហេតុ កំលាំងក្បាតរបស់ប៉ុស្តិចោមចៅ កំពុងជិះម៉ូតូល្បាតក្នុងមូលដ្ឋាន ដើម្បីការពារសុវត្តិភាពជូនប្រជាពលរដ្ឋខណៈមកដល់ចំណុចមុខផ្សារឯករាជ្យ២ ក៏ប្រទះឃើញនារីសង្ស័យទាំង២នាក់ឈប់អង្គុយលើម៉ូតូ ហើយកំលាំងបានដាក់ការសង្ស័យ ក៏បានសុំធ្វើការឆែកឆេរ រកឃើញក្នុងការបូបរបស់នារី ក៏ឃើញថ្នាំញៀនប្រភេទម៉ាទឹកកក១កញ្ចប់តូច ។
ក្រោយពេលកើតហេតុកំលាំងក៏ធ្វើការឃាត់ខ្លួនរួមនឹងវត្ថុតាង និងម៉ូតូស្កុបពី១ពណ៍ស ពាក់ស្លាកលេខ ភ្នំពេញ 1FK-4275 យកមកប៉ុស្តិចោមចៅ ដើម្បីកសាងសំណុំរឿង បញ្ជូនទៅកាន់អធិការដ្ឋាននគរបាលខណ្ឌពោធិ៍សែនជ័យចាត់ការបន្តតាមនិតិវិធី៕
ដោយ៖ សុខាសែនជ័យ
