លោក ដួង តារា : រដូវកាលបុណ្យភ្ជុំបិណ្ឌ និងការប្រមូលផ្តុំមនុស្សច្រេីននៅតាមវត្តអារាមជាឱកាសចម្លងជំងឺកូវីដ​-១៩​ បានយ៉ាងលឿនបំផុត ! 

ចែករំលែក៖

ភ្នំពេញ, លោក ដួងតារា រដ្ឋលេខាធិការទីស្តីការគណៈរដ្ឋមន្ត្រី និងជាជំនួយការផ្ទាល់សម្ដេចតេជោ ហ៊ុនសែននាយករដ្ឋមន្ត្រី នៃព្រះរាជាណាចក្រកម្ពុជា នៅល្ងាចថ្ងៃទី២៣ ខែកញ្ញា ឆ្នាំ២០២១ បានថ្លែងយ៉ាងដូច្នេះថា, សូម្បីពិធីបុណ្យចូលឆ្នាំថ្មីកន្លងមកក៏ត្រូវបានផ្អាកព្រោះដេីម្បីចៀសវាងការជួបជុំមនុស្សច្រេីនដែលអាចបណ្តាលឲ្យឆ្លងជំងឺកូវីដ​១៩​ ជាពិសស​ កូវីដបំប្លែងថ្មី​ដែលតា​( Delta) ដែលកំពុងឆ្លងរាតត្បាតយ៉ាងសាហាវ។

លោកបន្តថា, ក្នុងរដូវបុណ្យភ្ជុំបិណ្ឌ ​គឺ​ស្ទេីរតែទាំងអស់នៃពុទ្ធសាសនិកជន​ ជាពិសេសលោកយាយ​ លោកតា​ ដែលមានអាយុចាស់ៗគឺផ្តោតទៅលេីការធ្វេីបុណ្យនៅវត្ត។ ស្របគ្នានេះដែរ​ កម្មករ​សំណង់​ និងកម្មករ​ កម្មការិនី​រោងចក្រភាគច្រេីនក៏ត្រូវសម្រាកពីការងារទៅជួបជុំក្រុមគ្រួសារធ្វេីបុណ្យទានជាមួយគ្នានៅតាមបណ្តាខេត្តដែលមានហានិភ័យខ្ពស់ខ្លាំងណាស់។

លោករដ្ឋលេខាធិការបានលើកឡើងថា, ចំពោះខ្ញុំគិតថាសុខភាពអាយុជីវិតគឺសំខាន់ខ្លាំងណាស់​។ បេីមិនបានជួយការពារអាយុជីវិតអ្នកដទៃ​ សូមកុំយកជំងឺទៅចម្លងឲ្យគេ។ បេីមិនច្បាស់ថាទីនោះគ្មានឬមានមេរោគកូវីដ១៩​ សូមកុំប្រថុយនឹងជំងឺដែលយេីងមេីលមិនឃេីញ។

ទោះបីយេីងមិនបានយកម្ហូបអាហារទៅប្រគេនព្រះសង្ឃ ឬទៅបោះបាយបិណ្ឌដោយផ្ទាល់​ ប៉ុន្តែក៏យេីងអាចយកជាបច្ច័យផ្សេងៗទៅប្រគេនជូនវត្តបានដោយអនុវត្ត តាមវិធានការណែនាំរបស់ក្រសួងសុខាភិបាល។

យើងចូលរួមកសាងអំពើល្អ ចែករំលែកក្តីស្រឡាញ់និងស្នាមញញឹម និងសមានចិត្តអាណិតស្រឡាញ់ពលរដ្ឋយើងគ្រប់ទីកន្លែងដោយគ្មានការរើសអើង៕

...

ដោយ, សិលា

ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print