តារាឆ្នើមរបស់ក្រុមសេះបង្កង់ Juventus កីឡាករ Dejan Kulusevski កំពុងស្ថិតនៅលើរ៉ាដារបស់ក្លិប Tottenham សម្រាប់ការផ្ទេរនៅខែមករាខាងមុខនេះ ខណៈដែលនាយកគ្រប់គ្រងរបស់ក្លិប Spurs សម្លឹងមើលការជួបជុំជាមួយតារាស៊ុយអែតរូបនេះ។
ក្រុមមាន់ខ្នាយមាស Tottenham កំពុងពិចារណាលើការផ្លាស់ប្តូរខែមករាសម្រាប់ខ្សែប្រយុទ្ធ Dejan Kulusevski របស់ក្រុម Juventus។ នាយកគ្រប់គ្រងកីឡាបាល់ទាត់ថ្មីរបស់ Spurs គឺលោក Fabio Patrici គឺជាអ្នកគាំទ្រកីឡាករជនជាតិស៊ុយអែតវ័យ២១ឆ្នាំរូបនេះ ហើយចង់ជួបជុំជាមួយគាត់វិញដោយបាននាំគាត់ទៅទីក្រុង Turin ក្នុងកំឡុងពេលដែលគាត់ជានាយកបាល់ទាត់នៅ Juventus ។
Kulusevski ដែលរកបាន១៥គ្រាប់ឲ្យស៊ុយអែតបានជួបការលំបាកក្នុងការដណ្តើមកៅអីសម្រាប់ក្រុមយក្សអ៊ីតាលីនៅរដូវកាលនេះបន្ទាប់ពីបានបង្ហាញខ្លួន៤៧លើកក្នុងការប្រកួតទាំងអស់កាលពីលើកមុន។ កីឡាកររូបនេះបានស៊ុតបាល់បញ្ចូលទីចំនួន៧គ្រាប់កាលពីរដូវកាលមុន ។ ទោះយ៉ាងណារដូវកាលនេះគាត់ទើបតែចាប់ផ្តើមដំបូងនៅ Serie A ហើយបើមិនដូច្នោះទេ គាត់ត្រូវបានគេកំណត់ឱ្យចូលលេងជាកីឡាករបម្រុង។
ក្រុមមាន់ខ្នាយមាស Tottenham បានបញ្ជូនក្រុមការងារទៅមើល Kulusevski ក្នុងការប្រកួតក្របខ័ណ្ឌ Champions League ទល់នឹង Malmo កាលពីដើមខែនេះ ប៉ុន្តែគាត់ត្រូវបានផ្តល់ពេលតែ៧នាទីប៉ុណ្ណោះនៅចុងបញ្ចប់នៃការប្រកួត។
ក្លិប Tottenham នឹងបន្តឃ្លាំមើលស្ថានភាពរបស់ Kulusevsk ហើយប្រសិនបើគាត់នៅតែបន្តតស៊ូដើម្បីស្វែងរកកន្លែងនៅក្នុងការចាប់ផ្តើមជម្រើសដំបូង ពួកគេនឹងមើលថា តើកិច្ចព្រមព្រៀងអាចត្រូវបានធ្វើនៅពេលដែលទីផ្សារដោះដូរបើកបានឬក៏អត់ ៕
(រូបភាព ៖ Mirror)ដោយ៖ភារៈ
