ភ្នំពេញ ៖ ស្ទាវ មួយក្រុមមានគ្នាប្រហែល៨នាក់ជិះរថយន្តទំនើបម៉ាក RANG ROVER មួយគ្រឿង ពណ៌ខ្មៅ ស្លាកលេខ ភ្នំពេញ៖ 2AA-1575  បានមកវាយ និងគប់មកលើក្មេងស្ទាវមួយក្រុមទៀតបណ្តាលឲ្យត្រូវមួយដុំថ្ម ចំខ្នង ហើយបានយកដំបងវាយកូនហ្កោល វាយម៉ូតូ Scoopy ពណ៌សមួយគ្រឿង បែកក្បាំងខាងឆ្វេង និងពីរគ្រឿងទៀតម៉ាក Next ម៉ាក Finano រងការខូខខាតផងដែរ ខណៈដែលកំពុងអង្គុយលេងមុខវត្តលង្កា នៅម៉ោង ១០និង២០នាទីយប់ ថ្ងៃទី២០ ខែកក្កដា ឆ្នាំ២០១៥ នៅចំណុចមុខវត្តលង្កា ក្នុងសង្កាត់បឹងកេងកងទី១ ខណ្ឌចំការមន ។ ប្រភពព័ត៌មានពីជនរងគ្រោះ បានឲ្យដឹងថា អ្នកដែលជិះរថយន្ត RANG ROVER ពណ៌ខ្មៅ ស្លាកលេខភ្នំពេញ 2AA-1575  បានមកវាយ និងគប់ដុំថ្មលើពួកគេនោះ គឺជាអ្នកស្គាល់គ្នាទេ ដោយអ្នកជិះឡាននោះមាន ឈ្មោះ Chhoun Seth មិនដឹងថាស្នាក់នៅទីណាទេ។ ភ្លាមៗនោះ ក្រោយកើតហេតុ ក៏មានឃើញសមត្ថកិច្ច ចុះមកដល់កន្លែងកើតហេតុដើម្បីអន្តរាគមន៍ ប៉ុន្តែក្រុមក្មេងស្ទាវដែលជិះរថយន្ត ទំនើបម៉ាក RANG ROVER នោះ បានបើកគេចខ្លួនបាត់សម្រោលទៅហើយ ។ ក្រោយកើតហេតុ ក្រុមក្មេងស្ទាវដែលរងគ្រោះបានប្រាប់សមត្ថកិច្ចថា ចាំព្រឹកឡើងបានពួកខ្ញុំមកដាក់ពាក្យប្ដឹង ៕ ស រស្មី