ខេត្តស្វាយរៀង: បុរស២នាក់រងរបួសធ្ងន់ស្រាលដោយសារករណីគ្រោះថ្នាក់ចរាចរណ៍រវាងម៉ូតូនិងម៉ូតូបើកមិនប្រកាន់ស្ដាំបុកគ្នាយ៉ាងពេញទំហឹងបង្កការភ្ញាក់ផ្អើលដល់អ្នកភូមិ និងអ្នកធ្វើដំណើរកាលពីវេលាម៉ោង ៤និង៣៨ នាទីរសៀលថ្ងៃទី ២៧ ខែតុលា ឆ្នាំ២០២១ លើផ្លូវបេតុង ស្ថិតក្នុងភូមិ រូបគោ សង្កាត់ព្រៃឆ្លាក់ ក្រុងស្វាយរៀង ។
នគរបាលក្រុងស្វាយរៀងបានឱ្យដឹងថា
អ្អ្នកបើកម៉ូតូបង្កហេតុមានឈ្មោះ ផាក នៅ អាយុ ២៥ មុខរបរ កម្មករសំណង់ រស់ក្នុងក្រុងស្វាយរៀងជិះម៉ូតូម៉ាក ហុងដាសេ ១២៥ ពណ៌ ខ្មៅ ពាក់ផ្លាកលេខ ស្វាយរៀង ១O ៣៨២៣ខូចខាតយ៉ាងដំណំ។
ចំណែកភាគីរងគ្រោះ ឈ្មោះ ឌឺ សុសក្តា អាយុ ២១ ឆ្នាំ មុខរបរ កម្មករលើកអីវ៉ាន់ រស់នៅភូមិ ទទា សង្កាត់ ចេក ក្រុង ស្វាយរៀង ខេត្ត ស្វាយរៀង។
តាមសាក្សីបានឱ្យដឹងថាមុនកើតហេតុមានបុរសម្នាក់បានជិះម៉ូតូមួយគ្រឿងម៉ាក ហុងដាសេ១២៥ ពណ៌ ខ្មៅ ពាក់ផ្លាកលេខ ស្វាយរៀង ១O ៣៨២៣ក្នុងទិសដៅ ពីជើងទៅត្បូងមិនប្រកាន់ស្តាំ ស្រាប់តែទៅបុកនិងម៉ូតូមួយគ្រឿងម៉ាក EXCITER ពណ៌ខៀវ ពាក់ផ្លាកលេខ ភ្នំពេញ១BQ ៦៣៥៧ដែលធ្វើដំណើរក្នុងទិសដៅពីត្បូងទៅជើងបញ្ច្រាសគ្នាយ៉ាងពេញទំហឹងបង្កការភ្ញាក់ផ្អើលដល់អ្នកភូមិ និងរាយការណ៍មកសមត្ថកិច្ចដឹកអ្នករងរបួសមកសម្រាកព្យាបាលនៅមន្ទីរពេទ្យបង្អែកខេត្តស្វាយរៀង ។
ចំណែក មធ្យោបាយធ្វើដំណើរទាំង២គ្រឿងសមត្ថកិច្ចវាស់វែង និងអូសយកមករក្សាទុកនៅអធិការក្រុងស្វាយរៀងដើម្បីដោះស្រាយពេលក្រោយតាមច្បាប់៕ ដោយ យ៉ែម សូថាន
