ខេត្តពោធិ៍សាត់៖​ បុរស២នាក់បានរងរបួសយ់ាងធ្ងន់ធ្ងរនៅលើទ្រូងផ្លូវ​ ខណៈអ្នកទាំង២ជិះម៉ូតូឌុបគ្នាហើយបានបើកលឿនពេក​ ក៏ជ្រុលដួលបោកទៅលើថ្នល់តែម្តង។​

ហេតុការណ៍នេះបានកើតឡើងកាលពីព្រឹកថ្ងៃទី៥​ ខែមេសា​ ឆ្នាំ២០១៦​ នៅលើកំណាត់ផ្លូវជាតិត្រង់ចន្លោះបង្គោលគីឡូម៉ែត្រលេខ​ ២០៧និង២០៨​ ស្ថិតក្នុងភូមិអណ្ដូងក្រសាំង​ ឃុំស្នាមព្រះ ស្រុកបាកាន​ ខេត្តពោធិ៍សាត់។​

ប្រភពព័ត៌មានពីនគរបាលខេត្តបានឲ្យដឹងថា បុរសរបួសជាអ្នកបើកបរម៉ូតូត្រូវបានគេស្គាល់ឈ្មោះ​ មឿន​ សាម៉ាន់​ ភេទប្រុសងាយុ​៣០ឆ្នាំ​ រស់នៅភូមិព្រះអំបិល​ ឃុំបឹងបត់កណ្ដោល​ ស្រុកបាកាន(របួសធ្ងន់) និងអ្នករួមដំណើរឈ្មោះ ​ ញុឹក​ លឹម​ ភេទប្រុសអាយុ​៦៦ឆ្នាំ​ រស់នៅភូមិកោះកែវ​ ឃុំត្រពាំងជង​ ស្រុកបាកាន(របួសធ្ងន់)។​

ប្រពភបន្តថាបុរសរងរបួសធ្ងន់ទាំង២នាក់បានធ្វើដំណើររួមគ្នាដោយម៉ូតូមួយគ្រឿងម៉ាកហុងឌ្រីមសេ១២៥ ​ ពណ៌ក្រហម​ ពាក់ស្លាក់លេខ​ ពោពិសាត់​ 1F​-9433​ ធ្វើដំណើរក្នុងទិសដៅពីលិចទៅកើត​ លុះមកដល់ចំណុចកើតហេតុមិនដឹងយ៉ាងមុិចស្រាប់តែរេចង្កូតដួលកណ្តាលផ្លូវបណ្តាលឲ្យរងរបួសរដូករណេលតែម្តង​។​

ប្រភពបន្តទៀតថាជនរងរបួសទាំង២នាក់ត្រូវបានរថយន្តសង្រ្គោះដឹកយកទៅសង្រ្គោះនៅមន្ទីរបង្កែកខេត្តពោធិ៍សាត់ភ្លាមៗចំណែកវត្ថុតាងម៉ូតូត្រូវបានសមត្ថកិច្ចនគរបាលប៉ុស្តិ៍រដ្ឋបាលស្នាមព្រះយកទៅរក្សាទុករងចាំគ្រួសារសាច់ញាតិមកទទួលយក៕

ដោយ៖ ប៉ឹម ពិន