ភ្នំពេញ៖ លោកទេសរដ្ឋមន្ត្រី ប្រាក់ សុខុន ដែលត្រូវបានប្រកាស ចូលកាន់តំណែង ជាផ្លូវការ ជារដ្ឋមន្ត្រីការបរទេស និងសហប្រតិបត្តិការ អន្តរជាតិ ជំនួសលោកឧបនាយករដ្ឋមន្ត្រី ហោ ណាំហុង នារសៀលថ្ងៃទី៥ ខែមេសា ឆ្នាំ២០១៦ ក្រោមអធិបតីភាព សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ។
លោកទេសរដ្ឋមន្ត្រី ប្រាក់សុខុន បានបញ្ជាក់យ៉ាងដូច្នេះថា ខ្ញុំនិងបន្តតំណែងពី ឧបនាយករដ្ឋមន្ត្រី ហោ ណាំហុង ក្នុងការដឹកនាំកិច្ចការ របស់ក្រសួងនេះ ដោយខិតខំគួបផ្សំ និរន្តភាពជាមួយ នឹងការផ្លាស់ប្តូរ ធានានិរន្តរភាព ដោយសារតែ រដ្ឋមន្ត្រីផ្លាស់ប្តូរមែនពិត ប៉ុន្តែការការពារប្រយោជន៍ ប្រទេសជាតិ និងប្រជាជនកម្ពុជា យើងមិនប្រែប្រួលនោះឡើយ។
ជាមួយគ្នានោះដែរ លោកឧបនាយករដ្ឋមន្ត្រី ហោ ណាំហុង បានមានប្រសាសន៍ថា ខ្ញុំមានការជឿជាក់ថា ទេសរដ្ឋមន្ត្រី ប្រាក់ សុខុន នឹងសម្រេចបានលទ្ធផល ដ៏សំខាន់ៗ ថែមទៀត ក្នុងឋានៈជាទេសរដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ ដោយមានការណែនាំពី សម្តេចតេជោនាយករដ្ឋមន្ត្រី ៕
ដោយ៖ សហការី
