ខេត្តបាត់ដំបង÷តាមរបាយការណ៍របស់មន្ត្រីជំនាញអធិការដ្ឋាននគរបាលស្រុកកៀងបានឲ្យដឹងថា÷កាលពីថ្ងៃ សៅរ៍ ៩រោចខែអស្សុជឆ្នាំឆ្លូវត្រីស័កព.ស.២៥៦៥ត្រូវនឹងថ្ងៃទី៣០ ខែតុលា ឆ្នាំ២០២១ វេលាម៉ោង ១១និង៤០នាទីនៅចំណុចដីចម្ការភូមិតាំងយូ ឃុំអូរដា ស្រុកកំរៀងខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកវរសេនីយ៍ឯក លឹមពុទ្ធីឡា ស្នងការរងផែនការងារនគរបាលព្រហ្មទណ្ឌ លោកវរសេនីយ៍ទោ វេ គឹមចត់ ជាអធិការនគរបាលស្រុកកំរៀង បានដឹកនាំមន្រ្តីផ្នែកជំនាញបង្រ្កាបករណីលេងល្បែងភ្នាល់(ជល់ភ្នាល់មាន់)មួយករណីក្នុងបទល្មើសជាក់ស្ដែង ក្នុងនោះបានឃាត់ខ្លួនអ្នកប្រព្រឹត្តចំនួន ០៥នាក់គឺ៖
១-ឈ្មោះញឹប ម៉ៅ ភេទប្រុសអាយុ ៦២ឆ្នាំភូមិតាំងយូ ឃុំអូរដា ស្រុកកំរៀង ខេត្តបាត់ដំបង
ទី២-ឈ្មោះពៅ ឡឹង ភេទប្រុសអាយុ ២៦ឆ្នាំរស់នៅភូមិភ្នំមួយរយ ឃុំត្រាំង ស្រុកកំរៀងខេត្តបាត់ដំបង
៣-ឈ្មោះជួប ចិត្រ ភេទប្រុសអាយុ ៤១ឆ្នាំរស់នៅភូមិស្វាយ ឃុំបឹងរាំង ស្រុកកំរៀងខេត្តបាត់ដំបង
៤-ឈ្មោះតេង យ៉ីម ភេទប្រុសអាយុ ៥២ ឆ្នាំរស់នៅភូមិលំផាត់ ឃុំអូរដា ស្រុកកំរៀងខេត្តបាត់ដំបង
៥-ឈ្មោះអ៊ុំ វណ្ណ ភេទប្រុស អាយុ ៦១ ឆ្នាំរស់នៅភូមិស្វាយ ឃុំបឹងរាំង ស្រុកកំរៀងខេត្តបាត់ដំបង
-ដកហូតវត្ថុតាងរួមមាន៖
-ម៉ូតូចំនួន០៤គ្រឿង សត្វមាន់ចំនួន ០២ក្បាលនិងស៊ុមសម្រាប់ក្រុងមាន់ចំនួន០៣ ជញ្ជីងសម្រាប់ថ្លឹងមាន់ចំនួន០១។
នៅពេលនេះសមត្ថកិច្ចនគរបាលស្រុកបានរៀបចំសំណុំរឿងបញ្ជូនអ្នកប្រព្រឹត្ត ខាងលើរួមទាំងវត្ថុតាងមកកាន់ការិយាល័យជំនាញអនុវត្តតាមនីតិវិធី ច្បាប់៕ ដ,ស សារ៉េត
