ខេត្តសៀមរាប៖ បុរសវ័យចំណាស់ម្នាក់ដែលជាកម្មករមកពីប្រទេសថៃបានចងកធ្វើអត្តឃាតដោយខ្លួនឯងភ្ជាប់នឹងដើមឈើដោយមិនដឹងពីមូលហេតុ។
ហេតុការណ៍បង្កការភ្ញាក់ផ្អើលនេះកើតឡើងនាម៉ោង៤និង៣០នាទីព្រឹកថ្ងៃទី៦ខែមេសាឆ្នាំ២០១៦ត្រង់ចំណុចខាងលិចរង្វង់មូលអង្គរឃ្យូង ស្ថិតក្នុងភូមិទ្រាំង សង្កាត់ស្លក្រាម ក្រុងសៀមរាប។
លោកអនុសេនីយ៍ឯកញឹក សុផល នាយប៉ុស្តិ៍នគរបាលសង្កាត់ស្លក្រាមបានឲ្យដឹងថា៖ បន្ទាប់ពីសមត្ថកិច្ចជំនាញពិនិត្យនិងធ្វើកោសលវិច្ច័យនៅលើខ្លួនសាកសព មានលិខិតឆ្លងដែនលិខិតសំគាល់ខ្លួន ជាអក្សរថៃដែលអាចបញ្ជាក់បានថាគាត់ជាកម្មករមកពីប្រទេសថៃ។ ប៉ុន្តែក៏មានលិខិតមួយទៀតគឺបញ្ជាក់ឈ្មោះនិងស្រុកកំណើតដោយបុរសនេះមានឈ្មោះហេ មី អាយុ៤៤ឆ្នាំមានស្រុក កំណើតស្រុកបារាយណ៍ ខេត្តកំពង់ធំ។
ប្រភពបញ្ជាក់ថាដោយសារតែពុំមាននរណាម្នាក់ស្គាល់សាកសពខាងលើសមត្ថកិច្ចសម្រេចយកទៅតម្កល់ទុកនៅវត្តព្រះឥន្ទកោសីយ៍(វត្តលើ)ដើម្បីរង់ចាំសាច់ញាតិមកទទួលយកទៅធ្វើបុណ្យតាមប្រពៃណី៕
ដោយ៖ ជានិរន្ដរ៍
