ការផ្តោតអារម្មណ៍ទៅលើក្រុម Manchester City ដែលត្រូវត្រឡប់មករកក្រុម Manchester United បន្ទាប់ពីការចាប់ផ្តើមរដូវកាល Premier League ដោយជោគជ័យ នៅពេលដែលគូប្រជែងជួបគ្នានៅ Old Trafford នៅថ្ងៃសៅរ៍នេះធ្វើឲ្យក្រុមនេះមានសង្ឃឹមជាក្រុមម្ចាស់ផ្ទះ។
ក្រុម Manchester City បានរងបរាជ័យក្នុងលទ្ធផល ២-០ ទល់នឹងក្រុម Crystal Palace នៅកីឡដ្ឋាន Etihad ក្នុងការប្រកួតលីគចុងក្រោយរបស់ពួកគេ ដើម្បីបំបែកកំណត់ត្រាមិនដែលចាញ់៨ប្រកួត ដែលធ្វើឱ្យពួកគេឈរនៅចំណាត់ថ្នាក់លេខ៣មាន២០ពិន្ទុឆ្លងកាត់ការប្រកួតចំនួន១០ ។
ក្រុម Manchester United ឈរនៅលេខរៀងទី៥ មាន១៧ពិន្ទុ ក្រោយប្រកួត១០លើក។ Manchester United បានឈ្នះការប្រកួត Premier League ចុងក្រោយរបស់ពួកគេក្នុងលទ្ធផល ៣-០ ទល់នឹង Tottenham ដោយបានបំបែកកំណត់ត្រាឈ្នះ៤ប្រកួតដែលមិនធ្លាប់មាន ។
ជំនួបប្រកួត Manchester Derby ត្រូវបានបន្តជាថ្មីម្ដងទៀត ខណៈដែល Manchester United សម្លឹងរកភាពជោគជ័យរបស់ពួកគេឡើងវិញពីជំនួប Premier League ចុងក្រោយដែលជាជ័យជម្នះ ២-០ នៅកីឡដ្ឋាន Etihad កាលពីរដូវកាលមុន។
កីឡាករទាំង៣របស់បិសាចក្រហមគឺ Cristiano Ronaldo, Mason Greenwood និង Fernandes បានផ្តល់ពេលវេលាដ៏អស្ចារ្យសម្រាប់ Manchester United ក្នុងរដូវកាលនេះ។ កីឡាករទាំង៣គឺជាអ្នកស៊ុតបញ្ចូលទីច្រើនជាងគេរួមក្រុមជាមួយនឹងគ្រាប់បាល់ចំនួន៤ដែលជាប់ចំណាត់ថ្នាក់ទី៥ក្នុងចំណោមអ្នកស៊ុតបញ្ចូលទីច្រើនជាងគេក្នុងលីគក្នុងឆ្នាំ 2021–2022 នេះ។
ក្រុមម្ចាស់ផ្ទះ Manchester United ឈ្នះពីរ ស្មើមួយ និងចាញ់២នៅរដូវកាលនេះក្នុងការប្រកួត Premier League ចំនួន៥លើកនៅទឹកដី Old Trafford ។ Man United មានការប្រកួតក្នុងផ្ទះមិនឈ្នះបីប្រកួតដែលត្រូវនឹងថ្ងៃទី២៥ ខែកញ្ញា ទល់នឹង Aston Villa ។ នៅក្នុងការប្រកួតលីគលើការធ្វើដំណើររបស់ពួកគេក្នុងរដូវកាលនេះ Manchester City មានឈ្នះ៣ ស្មើ១ និងចាញ់១។ Man City កំពុងសម្លឹងរកការបន្ថែមការប្រកួតក្រៅដី៤ប្រកួតមិនដែលចាញ់។ លើកចុងក្រោយដែលពួកគេបានចាញ់ក្រៅដីគឺថ្ងៃទី១៥ ខែសីហា ទល់នឹងក្រុម Tottenham ។
ក្នុងការប្រកួតលីគ៦លើកចុងក្រោយរបស់ក្រុមទាំង២ គឺក្រុមបិសាចក្រហម Manchester United ឈ្នះ២ ស្មើ១ និងចាញ់៣។ ចំណែកក្រុមមេឃខៀវ Manchester City ឈ្នះ៣ ស្មើ២ និងចាញ់១ក្នុង៦ប្រកួតចុងក្រោយ ៕
ដោយ៖ ភារៈ(រូបភាព ៖ soccerway.com)
