ភ្នំពេញ៖ បុរសជនជាតិកូរ៉េម្នាក់បើករថយន្តnavara មួយគ្រឿងក្នុងល្បឿនលឿនរ៉េចង្កូតទៅបុករះលូដែលដាក់នៅចិញ្ចើមផ្លូវបណ្តាលអោយរងការខូចខាតយ៉ាងដំណំសំណាងល្អមិនរបួសដល់មនុស្ស។
ហេតុការណ៍នេះបានកើតឡើងកាលពីវេលាម៉ោង១រំលងអាធ្រាត្រឈានចូលថ្ងៃទី៧ ខែមេសាឆ្នាំ២០១៦ នៅចំណុចមុខ ស្ថានីយ៍ប្រេងតេលា តាមបណ្តោយផ្លូវ១០៥ ស្ថិតក្នុងភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ។
តាមសាក្សីនៅកន្លែងកើតហេតុបានអោយដឹងថានៅមុនពេលកើតហេតុគេបានឃើញរថយន្តមួយគ្រឿងម៉ាកនីសាន់navara ពណ៌ទឹកប្រាក់ ពាក់ស្លាកលេខភ្នំពេញ2T 8040 បើកបរដោយបុរសជាជនជាតិកូរ៉េម្នាក់ធ្វើដំណើរតាមបណ្តោយផ្លូវលេខ១០៥ ក្នុងទិសដៅពីកើតទៅលិចក្នុងល្បឿនលឿន ខណះមកដល់ចំណុចកើតក៏បានគេចពីគ្រហុករេចង្កូតជ្រុលទៅបុកដុំថ្ននិងបន្តទៅបុកលូដែលគេដាក់នៅចញ្ចើមផ្លូវសម្រាប់ទុកលក់បណ្តាលអោយងការខូចខាតអស់មួយចំនួនចំណែករថយន្តដាច់កាឡេទៅមុខលេងរួចតែសំណាងមិនមានរបួសដល់មនុស្ស។
ក្រោយពេលកើតហេតុសមត្ថកិច្ចបានចុះមកធ្វើការវាស់វែងស្ទូចរថយន្តបង្ករួមទាំង ហៅម្ចាស់ទៅអធិការដ្ឋាននគរបាលខណ្ឌសែនសុខដើម្បីរងចាំធ្វើការដោះស្រាយតាមច្បាប់៕
ដោយ៖ សុខាសែនជ័យ