នៅក្នុងកិច្ចប្រជុំថ្នាក់រដ្ឋមន្ត្រីក្រសួងមហាផ្ទៃអឺរ៉ុបធ្វើឡើងនៅប្រទេសប៊ែលហ្ស៊ិក តំដំណាងប្រទេសជាសមាជិកមិនទាន់ឯកភាពគ្នាទៅលើការចែកចាយទទួលជនភៀសខ្លួនចំនួន៤ម៉ឺននាក់ មកពីប្រទេសស៊ីរី និង Eritrea បច្ចុប្បន្នកំពុងស្នាក់នៅក្នុងប្រទេសអ៊ីតាលី និងក្រិក។ មានប្រសាសន៍នៅក្នុងសន្និសីទការសែតគណៈកម្មការទទួលបន្ទុកពីជនភៀសខ្លួនរបស់អឺរ៉ុបលោក Dimitris Avramopoulos បញ្ជាក់ថា ដោយសារតែមិនទាន់មានកន្លែងសម្រាប់ទទួលជនភៀសខ្លួន បានជាបណ្តាប្រទេសមិនទាន់មានលទ្ធភាពទទួលជនភៀសខ្លួនទាំងនោះ។ ប្រទេសជាសមាជិកអឺរ៉ុបបានយលព្រមរៀបចំឲ្យជនភៀសខ្លួនជាង៣២ពាន់នាក់ប៉ុណ្ណោះ ដែលបានទៅរស់នៅក្នុងប្រទេសជាសមាជិកអឺរ៉ុប គឺជាចំនួនតិចជាងដែលអ៊ីតាលីកំពុងតែរាប់រង់។ នៅចុងឆ្នាំនេះ ជនភៀសខ្លួនប្រមាណ៨ពាន់នាក់ទៀត ត្រូវចែកចាយនៅក្នុងតំបន់អឺរ៉ុបជាបន្តទៀត។ លំហូរនៃជនភៀសខ្លួនចូលអឺរ៉ុបតាមដែនសមុទ្រមេឌីទែរ៉ាណេកាន់តែកើនឡើងខ្ពស់ចាប់តាំងពីខែមេសាកន្លងមក ។ ការភៀសខ្លួនតែងតែជួបគ្រោះថ្នាក់ដល់អាយុជីវិតមនុស្សយ៉ាងច្រើនក្នុងមួយឆ្នាំ។ កាលពីខែមេសានោះដែរ មានពលរដ្ឋ៨០០នាក់ស្លាប់ដោយការលិចនាវា ។ នៅពេលនេះក្រុមរត់ពន្ធមនុស្សបានបង្កើនសកម្មភាពនាំមនុស្សជាច្រើនចូលអឺរ៉ុបបង្កការរាំងស្ទះយ៉ាងខ្លាំងដល់អឺរ៉ុបក្នុងពេលដែលកំពុងជួបវិបត្តិផងនោះ ។ ពេលនេះ អឺរ៉ុបចាត់វិ ធានការទប់ស្កាត់ដោយបានប្រើប្រាស់យន្តហោះគ្មានមនុស្សបើកបរ និងនាវាមុជទឹក នឹងត្រូវរំកិលខ្លួនចូលទៅកាន់ដែនសមុទ្រអន្តរជាតិ ស្ថិតនៅប្រទេសលីប៊ី នៅក្នុងអំឡុងពេលប៉ុន្មានខាងមុខទៀតនេះ ។ ប៉ុន្តែបេសកកម្មនេះ ទំនងចំណាយពេលមួយខែទើបរួចរាល់ និងអាចដំណើរការប្រតិបត្តិការបាន។ ដោយសង្កេតឃើញថា ការប្រឈមហានិភ័យមានកម្រិតខ្ពស់នោះ សហគមន៍អឺរ៉ុបបានយល់ព្រមធ្វើប្រតិបត្តិការប្រឆាំងក្រុមរត់ពន្ធ មនុស្សតាមដែនសមុទ្រ ដោយប្រើយន្តហោះគ្មានមនុស្សបើកបរ នាវាមុជទឹកបំពាក់អាវុធមីស៊ីលជាដើម ស្ថិតនៅលើផ្ទៃសមុទ្រអន្តរជាតិប្រទេសលីប៊ី ប្រឆាំងទៅលើក្រុមជួញដូរមនុស្សឆ្លងដែនចូលទៅកាន់តំបន់សហគមន៍អឺរ៉ុប។ សកម្មភាពនេះគឺក្នុងគោលបំណងទប់ស្កាត់គ្រោះថ្នាក់ដល់អាយុជីវិតចំពោះ ជនភៀសខ្លួនទាំងឡាយនោះ ។ មន្ត្រីសហគមន៍អឺរ៉ុបបានសម្តែងការសង្ឃឹមនៅក្នុងចិត្តថា ប្រទេសលីប៊ីនឹងត្រូវបានគេផ្តល់សិទ្ធិបន្ថែមទៀត ស្របតាមការសម្រេចរបស់អង្គការសហប្រជាជាតិដើម្បីសកម្មភាពប្រយុទ្ធ ប្រឆាំងជាមួយក្រុមជួញដូរមនុស្ស ។ សមាជិកសភាអឺរ៉ុបប្រចាំនៅអង្គការសហប្រជាជាតិ បានព្រាងដំណោះស្រាយមួយ ឲ្យអង្គការសហប្រជាជាតិអនុញ្ញតឲ្យសហគមន៍អឺរ៉ុបប្រើកម្លាំងទ័ព ដើម្បីប្រឆាំងក្រុមជួញដូរមនុស្ស ស្របតាមមាត្រាទី៧របស់អង្គការសហប្រជាជាតិ ៕
