ខេត្តបាត់ដំបង៖ នៅថ្ងៃទ០៩ ខែវិច្ឆិកា ឆ្នាំ២០២១នេះ នៅបញ្ជាការដ្ឋានរថក្រោះ កងទ័ពជេីងគោក បានប្រារព្វពិធី សំណេះ សំណាល បំពាក់ឋានន្តរស័ក្តិ ជូនយោធិនចូលនិវត្តន៍ យោធិនពិការ កងឯកភាព បញ្ជាការដ្ឋានរថក្រោះ ផ្ទេរចេញពីក្រប ខណ្ឌក្រសួងការពារជាតិឆ្នាំ២០២១ ស្ថិតក្រោមអធិបតីភាព ឧត្តមសេនីយ៍ឯក ពៅ សុីថា មេបញ្ជាការរង កងទ័ពជេីងគោក មេបញ្ជាការ បទបញ្ជាការដ្ឋានរថក្រោះ។
ឧត្ដមសេនីយ៍ឯក ពៅ សុីថា ក៏បានថ្លែងកោតសរសើរ និងអំណរគុណយ៉ាងជ្រាលជ្រៅបំផុតចំពោះគុណ បំណាច់យ៉ាងធំធេងរបស់យោធិនចូលសោធននិវត្តន៍ និងពិការ ដែលបានធ្វើពលិកម្មយ៉ាង ច្រើនក្នុងការបំពេញភារកិច្ចកន្លងមក ចាប់ពីរំដោះប្រទេសជាតិ និងទប់ស្កាត់ការវិលត្រឡប់របបប្រល័យពូជសាសន៍ ជាពិសេសបានចូលរួមយ៉ាងសកម្មជាប្រតិបត្តិករនយោបាយ ឈ្នះ ឈ្នះ ដែលបាននាំមកនូវសុខសន្តិភាពនិងការឯកភាពជាតិពេញលេញនាពេលនេះ។ គំរូវីរភាពដ៏ល្អផូរផង់នេះនឹងបានដិតជាប់ក្នុងក្រអៅបេះដូងអ្នកជំនាន់ក្រោយយ៉ាងពិតប្រាកដ។ ថ្វីត្បិតអស់ លោក លោកស្រីបានចេញពីជួរកង យោធពលខេមរភូមិន្ទ ផ្ទេរទៅក្រសួងសង្គមកិច្ចអតីតយុទ្ធជន និងយុវនីតិ សម្បទាក៏ដោយ ក៏ប្រមុខរាជរដ្ឋាភិបាលដឹកនាំដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅតែបន្តយកចិត្តទុកដាក់គិតគូរជួយដោះស្រាយគ្រប់កាល:ទេស:ដល់បងប្អូនអតីតយុទ្ធជនជានិច្ច។
ក្នុងឱកាសនោះ លោកឧត្តមសេនីយ៍ឯកក៏ក្រេីនរម្លឹកដល់បងប្អូនយោធិនទាំងអស់ពេលវិលទៅរួមរស់ជាជីវភាពស៊ីវិលវិញត្រូវចូលរួម សហការជាមួយអជ្ញាធរមូលដ្ឋានឲ្យបានល្អ ចូលរួមអភិវឌ្ឍន៍ប្រទេសជាមួយរាជរដ្ឋាភិបាលកាន់តែរីកចម្រើន។ ត្រូវប្រុងប្រយ័ត្នឱ្យបានខ្ពស់ចំពោះការ ការពារខ្លួន ដេីម្បីជៀសឆ្ងាយពីជំងឺកូវីដ-១៩ នឹងត្រូវអនុវត្តន៍ ៣កុំ ៣ការពារ ជាប្រចាំ៊
ក្នុងពិធីនោះដែរ ឧត្តមសេនីយ៍ឯក ពៅ សុីថា បានអញ្ជើញបំពាក់ឋានន្តរសក្តិ ជូនយោធិនចូលសោធននិវត្តន៍ទាំង ១០នាក់ និងបានប្រគល់ជូនថវិការបស់ឧត្តម សសេនីយ៍ឯក ហ៊ុន ម៉ាណែត អគ្គបញ្ជាការង នៃកងយោធពលខេមរភូមិន្ទ មេ បញ្ជាការកងទ័ពជើងគោក និងលោកស្រី ក្នុងម្នាក់ៗទទួលបានថវិកាចំនួន ២០០, ០០០រៀល និងថវិការបស់អង្គភាព រថ ក្រោះម្នាក់ៗទទួលបាន១០០,០០០ រៀល រួមជាមួយគ្រឿង ឧបភោគ បរិភោគមួយចំនួនផងដែរ ៕
ដោយ ស៊ុនហេង
