ខេត្តក្រចេះ : អ្នកកាសែតម្នាក់កំពុងតែបើករថយន្តសុខៗ ស្រាប់តែឆេះធ្វើឲ្យម្ចាស់ភ័យស្លន់ស្លោបើកទ្វាររត់ចេញ សឹងតែមិនរួចប្រលឹងវេញស៉ីប្រលិត ឆេះម៉ដ្ឋសល់តែគ្រោងឆ្អឹង ធ្វើឲ្យភ្ញាក់ផ្អើលដល់អ្នកធ្វើដំណើរចោមរោមមើលហួសចិត្ត។ ហេតុការគួរឲ្យភ្ញាក់ផ្អើលនឹកស្មានមិនដល់នេះ បានកើតឡើងនៅថ្ងៃទី១៦ ខែ១១ ឆ្នាំ២០២១ នៅវេលាម៉ោង០៨,២០នាទីព្រឹក នៅចំណុចភូមិត្រាំដុំ ឃុំវឌ្ឍន: ស្រុកសំបូរ ខេត្តក្រចេះ។

បើតាមអ្នករួមដំណើតាមក្រោយបានឲ្យដឹងថា: ម្ចាស់រថយន្តឈ្មោះសឿ រ៉ា ភេទប្រុស អាយុ៥២ឆ្នាំ មានទីលំនៅភូមិរកាកណ្តាល២ សង្កាត់រកាកណ្តាល ក្រុង ខេត្តក្រចេះ។ បានបើកបររថយន្តមួយគ្រឿងម៉ាក់កាមរីស្វិត ស៊េរីឆ្នាំ 91 ពាក់ស្លាកលេខភ្នំពេញ 2A ! 2871បើកបរនៅលើកំណត់ផ្លូវ ដីក្រួសក្រហម នៅចំណុចទីតាំងកើតហេតុខាងលើ កំពុងតែបើកបរសុខៗ ស្រាប់តែឃើញភ្លើងឆេះតែម្តងចេញពីក្នុងរថយន្ត ភ្លាមៗនោះក៏ឃើញម្ចាស់ចេញពីក្នុងរថយន្តកើតហេតុ ដោយពុំបានយកឯកសារឬសម្ភារផ្សេងៗនៅក្នុងរថយន្តនោះបានឡើយ។

ដោយឃើញសភាពភ្លើងឆេះខ្លាំងពេក មិនអាចជួយពន្លត់បានទើបនាំគ្នាឈរមើល ទាំងម្ចាស់រថយន្តទាំងនេះដំណើរក្នុងហេតុការណ៍នេះ។ ម្ចាស់រថយន្តដែលឆេះនោះបានបញ្ជាក់ថា: មូលហេតុបណ្ដាលឲ្យឆេះរថយន្តនេះ មកពីឆ្លងប្រព័ន្ធភ្លើងដោយខូចបូមសាំង ហើយគាត់បានកាច់ប្រើហ្គាសវិញ មិននឹកស្មានថាមិនអីដូចសព្វមួយដង ស៊យអីពេលកំពុងតែបើកបរ ស្រាប់តែឆ្លងចរន្តភ្លើងបណ្ដាលឱ្យឆ្លងឆេះ អស់ទាំងរថយន្ត អស់ទាំងសម្ភារៈ ក្នុងរថយន្តនោះតែម្ដង៕ ដោយ:មាស សុផាត