ភ្នំពេញ ៖ បុរសម្នាក់សង្ស័យស្រវឹងស្រាបើកម៉ូតូឡំប្រឺតារេចង្កូតបុកម៉ូតូPCXចំពីមុខពេញទំហឹងបណ្តាលឲ្យរងការខូចខាតយ៉ាងដំណំ ។

ហេតុការណ៍គ្រោះថ្នាក់ចរាចរណ៍បង្កការភ្ញាក់ផ្អើលកាលពីវេលាម៉ោង១០ នឹង២០នាទីយប់ ថ្ងៃទី១៦ ខែវិច្ឆិកា ឆ្នាំ២០២១ ដែលស្ថិតនៅតាមបណ្តោយផ្លូវបេតុង ក្នុងសង្កាត់ចោមចៅ៣ ខណ្ឌពោសែនជ័យ រាជធានីភ្នំពេញ។

តាមប្រភព័ត៌មានពីកន្លែលកើតហេតុបានឲ្យដឹងថាមុនពេលកើតហេតុគេបានឃើញឡំប្រឺតាមួយគ្រឿងពណ៌ស ពាក់ស្លាកលេខកំពត1P -3915 បើកបរដោយបុរសម្នាក់ រួមដំណើរដោយក្មេងប្រុសម្នាក់ធ្វើដំណើរក្នុងទិសដៅពីត្បូងទៅជើង ខណៈមកដល់ត្រង់ចំណុចកើតហេតុស្រាប់តែរេចង្កូតជ្រុលទៅបុកចំពីមុខម៉ូតូមួយគ្រឿងម៉ាកPCX ពណ៌ប្រផេះ ពាក់ស្លាកលេខភ្នំពេញ1HF- 2798ពេញទំហឹង បើកបរដោយបុរសម្នាក់ក្នុងទិសដៅពីជើងទៅត្បូងបណ្តាលឲ្យរងការខូចខាតម៉ូតូទាំងសងខាងយ៉ាងដំណំ
ចំណែកម្ចាស់ម៉ូតូPCXរងរបួសស្រាល។

ក្រោយកើតហេតុសម្ថកិច្ចមូលដ្ឋានបានមកដល់រួចឲ្យភាគីទាំសងខាងធ្វើការសម្របសម្រួលគ្នា ដោយភាគីទាំពីសម្របសម្រួលគ្នាមិនត្រូវទើបសម្ថកិច្ចធ្វើការវាស់យកទៅរក្សារទុករង់ចាំធ្វើដោះស្រាយគ្នានៅពេលក្រោយតាមផ្លូវច្បាប់៕

ដោយ៖ និន សុភ័ស្ត