ភ្នំពេញ : នៅព្រឹកថ្ងៃពុធ ទី១៧ ខែវិច្ឆិកា ឆ្នាំ២០២១ លោកឧត្តមសេនីយ៍ឯក អ៊ុច វ៉ាន់ថា មេបញ្ជាការរង កងទ័ពជេីងគោក មេបញ្ជាការ បញ្ជាកាដ្ឋានវិស្វកម្ម តំណាងដ៏ខ្ពង់ខ្ពស់ លោកឧត្តមសេនីយ៍ឯក ហ៊ុន ម៉ាណែត អគ្គបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជេីងគោក បានអញ្ជេីញបែងចែកអាវរងា ដែលជាអំណោយដ៍ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដល់ដៃកងកម្លាំងទាំងអស់ចំណុះបញ្ជាកាដ្ឋានវិស្វកម្ម ។
លោកឧត្តមសេនីយ៍ឯក អ៊ុច វ៉ាន់ថា បានលើកឡើងនូវការយកចិត្តទុកដាក់ ដ៏ខ្ពង់ខ្ពស់ របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលជានិ្ចចកាល តែងតែបារម្ភ គិតគូរពីសុខទុកដល់កងកម្លាំង គ្រប់ប្រភេទនៃកងយោធពលខេរភូមិន្ទ ជារួម និងដោយឡែក នាយទាហាន នាយទាហានរង ពលទាហាន នៃបញ្ជាការដ្ឋានការដ្ឋាន វិស្វកម្ម ដែលបានបូជាកម្លាំងកាយចិត្ត ក្នុងការបំពេញភារកិច្ច កសាង ការពារបូរណភាពទឹកដី ការពារសន្តិភាព ជូនជាតិមាតុភូមិ ។
ជាទីបញ្ចប់ លោក បានលេីកយកបញ្ហាជំងឺកូវីដ-១៩ ដែលបានកំពុងរីករាលដាលពាសពេញពិភពលោក ផ្សព្វផ្សាយជូនដល់បងប្អូននាយទាហាន នាយទាហានរងពលទាហានទាំងអស់ សូមឱ្យមានការប្រុងប្រយ័ត្នខ្ពស់ និងត្រូវគោរពតាមវិធានការអនាម័យ របស់ក្រសួងសុខាភិបាល ឱ្យបានខ្ជាប់ខ្ជួន ដេីម្បីជៀសផុតពីជំងឺនេះ៕
ដោយ : សិលា
