ភ្នំពេញ: ជនសង្ស័យម្នាក់ ប្រព្រឹត្តបទល្មើសជាក់ស្តែង ករណីឆបោកយកម៉ូតូ បានសម្រេច ក៏ប៉ុន្តែបែរជាអស់លក្ខណ៍ត្រូវបានកម្លាំងសមត្ថកិច្ចនគរបាលព្រហ្មទណ្ឌខណ្ឌចំការមនល្បាតប្រទះឃើញដេញចាប់បានភ្លាមៗ។

ហេតុការណ៍នេះកើតឡើងកាលពីវេលាម៉ោង ៩និង៣០នាទីព្រឹក ថ្ងៃទី២០ ខែវិឆិ្ឆកា ឆ្នាំ២០២០ ចំណុច តូបកាហ្វេលេខ០១ ផ្លូវ៩៧កែង៤៨៤ ក្រុម២៤ ភូមិ៧ សង្កាត់បឹងត្របែក ខណ្ឌចំការមន រាជធានីភ្នំពេញ។

.ជនសង្ស័យឃាត់ខ្លួនឈ្មោះ គៀវ បូរីវ៉ាត ភេទប្រុស អាយុ២៩ឆ្នាំ ជនជាតិខ្មែរ ស្នាក់នៅផ្ទះលេខជួល ផ្លូវបេតុង ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ មុខរបរ គ្មាន។
.ជនរងគ្រោះឈ្មោះ ឈន សីហា ភេទប្រុស អាយុ២៥ឆ្នាំ ជនជាតិខ្មែរ ស្នាក់នៅផ្ទះជួល ផ្លូវបេតុង សង្កាត់ផ្សារដើមថ្កូវ ខណ្ឌចំការមន មុខរបរ បុគ្គលិកក្រុមហ៊ុនoppo។

.វត្ថុតាង ម៉ូតូ០១គ្រឿង ម៉ាកZOOMER ពណ៏សលាយលឿង សេរី២០១៨ ស្លាកលេខ ភ្នំពេញ 1GC 2992។

លោកវរសេនីយ៍ទោ ផន អូន អធិការរងទទួលផែនប្រឆាំងគ្រឿងញៀនខណ្ឌចំការមន ជាលទ្ធផលកំលាំងជំនាញខណ្ឌបានប្រាប់អោយដឹងថា ជនរងគ្រោះកំពុងនៅផ្ទះ ជនសង្ស័យបានឆាតតាមតេលេក្រាមគ្រុបខ្ទើយ៦៩ មកជនរងគ្រោះ អោយមកយកខ្លួននៅរង្វង់មូលផ្សារដើមថ្កូវ ពេលជនរងគ្រោះមកដល់ ជនសង្ស័យបានសុំឌុបជនរងគ្រោះ ហើយពេលឌុបមកដល់ចំណុចកើតហេតុ ជនសង្ស័យបានឈប់ម៉ូតូទិញកាហ្វេ ហើយហុចលុយអោយជនរងគ្រោះចុះទៅអោយថ្លៃកាហ្វេ ហើយជនសង្ស័យបានបើកម៉ូតូគេចខ្លួន តែជនរងគ្រោះបានស្រែកចោរៗ ត្រូវបានអ្នកធ្វើដំណើតាមផ្លូវជួយឃាត់បាននាំយកមកប្រគល់អោយសមត្ថកិច្ចប៉ុស្តិ៍បឹងត្របែកចាត់ការតាមនីតិវិធី៕ដោយ៖ជី