ខេត្តស្វាយរៀង:យ៉ាងហោចណាសមនុស្សប្រុសស្រី៣នាក់បានរងរបួសធ្ងន់ស្រាលដោយសារករណីគ្រោះថ្នាក់ចរាចរណ៏២កន្លែងផ្សេងគ្នារវាងរថយន្តនិងម៉ូតូនៅក្រុងបាវិតនិងស្រុករមាសហែក។
យោងតាមសមត្ថកិច្ចនគរបាលបានអោយដឹងថាករណីទី១បានកើតឡើងកាលពីវេលាម៉ោង៣.៣០នាទីរសៀលថ្ងៃទី ១៩ ខែ វិច្ឆិកា ឆ្នាំ ២០២១ លើផ្លូវជាតិលេខ១ ចន្លោះគឺឡូម៉ែត្រលេខ ១៦០និង១៦១ ស្ថិតក្នុងភូមិតាពៅ សង្កាត់បាវិត ក្រុងបាវិត ខេត្តស្វាយរៀង មានម៉ូតូមួយគ្រឿង ម៉ាក ZOOMER ពណ៏ត្រួយចេកលាយខ្មៅ ពាក់ស្លាកលេខ ស្វាយរៀង ១K៦០២០បើកបរដោយឈ្មោះ វ៉ន វណ្ណា ភេទ ប្រុស អាយុ ២០ ឆ្នាំ ជនជាតិខ្មែរ មុខរបរសិស្ស មានទីលំនៅក្នុងភូមិត្រពាំងផ្លុង សង្កាត់បាទី ក្រុងបាវិត ខេត្តស្វាយរៀង ដោយធ្វើដំណើរពីលិចទៅកើត លុះមកដល់ចំណុចកើតហេតុខាងលើក៏បានបត់ឆ្វេងខ្វះការប្រុងប្រយ័ត្ន បុករថយន្ត មួយគ្រឿង ម៉ាក Prius ពណ៌ស ពាក់ស្លាកលេខស្វាយរៀង២A៩៨៦៨ បើកបរ (មិនស្គាល់អត្តសញ្ញាណ)យ៉ាងពេញទំហឹងបង្កការភ្ញាក់ផ្អើលតែម្ដង។
ក្រោយមកអ្នកបើករថយន្តបានរត់គេចខ្លួនបន្សល់ទុកតែរថយន្តនៅកន្លែងកើតហេតុចំណែក រថយន្តខូចខាតធ្ងន់ ។
ករណីទី២បានកើតឡើងកាលពីវេលាម៉ោង១២និង២០នាទីថ្ងៃទី២០ខែវិច្ឆិកាឆ្នាំ២០២១ នៅត្រង់ចំណុចភូមិត្រពាំងស្មាច់ ឃុំអណ្តូងត្របែក ស្រុករមាសហែក ខេត្តស្វាយរៀង លើផ្លូវជាតិលេខ13ចន្លោះគីឡូម៉ែត្រ៥២និង៥៣មានម៉ូតូមួយគ្រឿងម៉ាក ហុងដាCBR២៥០ពណ៌ខ្មៅ ឆ្នាំផលិត២០១៣ ពាក់ស្លាកលេខភ្នំពេញ១BT៤៩៨៤បើកបដោយឈ្មោះ
ឡឹក ប៊ុនធឿន ភេទប្រុស អាយុ 27ឆ្នាំ មុខរបរកសិករ រស់នៅភូមិធ្នង ឃុំស្នាធ្នង ស្រុករំដួល ខេត្តស្វាយរៀងធ្វើដំណើរ ពីទិសខាងជើងខណ:នោះស្រាប់តែមានម៉ូតូមួយគ្រឿងម៉ាកហុងដា C១២៥ពណ៍ខ្មៅផលិតឆ្នាំ២០១៩ ពាក់ស្លាកលេខសៀមរាប១AD៤៨២៦បើកបដោយឈ្មោះសុខ ស្រីពៅ ភេទស្រីអាយុ២៤ឆ្នាំ មុខរបរកសិករស្រុកកំណើតភូមិត្រពាំងស្មាច់ឃុំអណ្តូងត្របែក ស្រុករមាសហែក ខេត្ត ស្វាយរៀងបានជិះបត់ឆ្វេងខ្វះការប្រុងប្រុងប្រយត្ន័បុកគ្នាពេញទំហឹងបង្កការភ្ញាក់ផ្អើលតែម្ដង។
ក្រោយកើតហេតុសមត្ថកិច្ចបានមកដល់ធ្វើការវាស់វែងនិងអូសយកមធ្យោបាយធ្វើដំណើរទាំង២គ្រឿងមករក្សាទុកប៉ុស្ត៏រដ្ឋបាលឃុំដើម្បីដោះស្រាយពេលក្រោយតាមច្បាប់៕ដោយ៖យឹម សុថាន
