មេឃខៀវ Man City តាមក្រុមកំពូលតារាងយ៉ាងប្រកៀកក្រោយយកឈ្នះ Everton ៣ទល់០

ចែករំលែក៖

ក្រុមខ្លាំងមេឃខៀប Manchester City បាន​ទទួល​ជ័យជម្នះ​យ៉ាង​ស្រួល​លើ​ក្រុម Everton ដើម្បី​ឡើង​ទៅ​ឈរ​លេខ​រៀង​ទី​ក្នុង​ក្រប​ខ័ណ្ឌ Premier League និង​កំពុងតាម​ក្រុម​កំពូល​តារាង Chelsea យ៉ាងប្រកៀកដោយចាញ់តែ៣ពិន្ទុប៉ុណ្ណោះ។

ការខិតខំប្រឹងប្រែងក្នុងតង់ទីរបស់ក្រុមមេឃខៀវ Man City ដោយបានសម្រុកយ៉ាងខ្លាំងទៅលើក្រុមភ្ញៀវ Everton ហើយនៅនាទីទី៤៤ ខ្សែប្រយុទ្ធ Raheem Sterling បានជួយឱ្យ Man City រកបាន១គ្រាប់នាំមុខ ដែលឆ្ពោះទៅរកការបង្ហាញខ្លួនជាលើកទី៣០០របស់គាត់ជាមួយនឹងការស៊ុតបញ្ចូលទី ពីការបញ្ជូនបាល់ពីខាងក្រៅយ៉ាងល្អរបស់កីឡាករ Joao Cancelo 

ចូលដល់ការប្រកួតក្នុងតង់ទី២ ក្រុមម្ចាស់ផ្ទះ Man City នៅតែមានឱកាស និងការគ្រប់គ្រងបាល់បានល្អដដែល ដោយនៅនាទីទី៥៥ កីឡាករ Rodriរកបាន១គ្រាប់ទៀតបន្តការនាំមុខរបស់ពួកគេ ហើយកីឡាករ Bernardo Silva បានស៊ុតបញ្ចូលទីនៅចុងម៉ោងនាទីទី៨៦ ចប់ការប្រកួតក្រុមម្ចាស់ផ្ទះទទួលបានជ័យជម្នះយ៉ាងធំធេងទៅលើក្រុម Everton ក្នុងលទ្ធផល ៣ទល់០។

ជ័យជម្នះនេះធ្វើឲ្យក្រុម Man City បន្តធ្វើបានល្អក្នុងរដូវកាលនេះ ដោយឈរចំណាត់ថ្នាក់លេខ២បណ្តោះអាសន្នមាន២៦ពិន្ទុ ចាញ់ក្រុមកំពូលតារាង Chelsea ៣ពិន្ទុ ដែលមាន២៩ពិន្ទុ ខណៈដែលក្រុមLiverpool ឈរចំណាត់ថ្នាក់លេខ៣ មាន២៥ពិន្ទុ។ ចំណែកក្រុមស្ករគ្រាប់ Everton ក្រោយពីចាញ់នៅសប្តាហ៍ទី១២នេះ បានធ្លាក់មកឈរចំណាត់ថ្នាក់លេខ១១ មាន១៥ពិន្ទុ ៕

   

...

ដោយ៖ ភារៈ(រូបភាព ៖ Reuters)

ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print