ការដែលបានក្លាយជាទីប្រឹក្សាជាតិមី យ៉ាន់ម៉ាធ្វើឲ្យអំណាចរបស់លោកស្រីអ៊ុង សាន សូ៊ជី កើនឡើងមិនចាញ់ប្រធានាធិបតីនោះឡើយ ។
មេដឹកនាំគណបក្សសម្ពន្ធជាតិដើម្បី ប្រជាធិបតេយ្យ NLD លោកស្រី ស៊ូជី មិន អាចទទួលបានជោគជ័យនៅក្នុងការខិតខំ ក្លាយជាប្រធានាធិបតីមីយ៉ានម៉ាឡើយ។ ប៉ុន្តែសារព័ត៌មាន New york times បាន បញ្ជាក់ថា ការដែលលោកស្រី ស៊ូជី មិនអាចក្លាយជាប្រធានាធបិតីនោះមិនមានន័យថា បរាជ័យនោះទេ ដោយសារលោកស្រីបានក្លាយជាទីប្រឹក្សាជាតិមានតំណែងអំណាច មិនចាញ់ប្រធានាធិបតីឡើយឬក៏អាចខ្ពស់ជាងប្រធានាធិបតីទៅទៀត ។
កាលពីថ្ងៃទី៥ ខែមេសា សភាមីយ៉ាន់ម៉ាបានអនុម័តតែងតាំងលោកស្រីធ្វើជាទីព្រឹក្សា ជាតិ។ នៅក្នុងច្បាប់ថ្មីនោះមាន៥ជំពូក៨ មាត្រាក្នុងនោះលោកស្រី អ៊ុងសាន ស៊ូជី អាចកាន់តំណែងនៅក្នុងក្រសួងផ្សេងៗបាន ដូចជាអង្គការក្រៅរដ្ឋាភិបាលដើម្បីបម្រើឲ្យស្ថាប័នប្រឹក្សាជាតិរបស់លោកស្រី។ លោក ស្រីនឹងត្រូវទទួលខុសត្រូវនៅមុខសភាជាតិ ក្នុងអាណត្តិជាទីប្រឹក្សាដែលមានអាណត្តិស្មើនឹងប្រធានាធិបតី ។
កាលពីថ្ងៃទី៣០ ខែមីនា លោកស្រី ស៊ូជី ត្រូវបានតែងតាំងធ្វើជារដ្ឋមន្ត្រីក្រសួងការ បរទេសនិងតំណែងរដ្ឋមន្ត្រីនៅក្នុងក្រសួង៣ផ្សេងទៀត គឺរដ្ឋមន្ត្រីទទួលបន្ទុកខុទ្ទកាល័យប្រធានាធិបតី រដ្ឋមន្ត្រីក្រសួងអបរំ និងរដ្ឋ មន្ត្រីក្រសួងថាមពលនិងអគ្កិសនី ។
បើទោះបីមានការប្រឆាំងជំទាស់ពីកម្លាំងយោធាក្តីក៏ទីបំផុតលោកស្រីក៏បានក្លាយទៅជាទីព្រឹក្សាជាតិ ។
ក្នុងរយៈពេលប៉ុន្មានឆ្នាំចុងក្រោយនេះ ទាហានមីយ៉ាន់ម៉ាបានដកខ្លួនបន្តិចម្តងៗ ចេញពីរដ្ឋាភិបាលស៊ីវិល ប៉ុន្តែតាមច្បាប់ធម្មនុញ្ញដែលរដ្ឋាភិបាលយោធាបានរៀបចំ នៅតែមិនអនុញ្ញាតឲ្យលោកស្រីស៊ូជីកាន់តំណែង ជាប្រធានាធិបតីបានឡើយដោយសារតែលោកស្រីមានកូននិងស្វាមីមានសញ្ជាត្តិបរទេស ។
បើទោះបីរដ្ឋធម្មនុញ្ញបានផ្តល់អាទិភាព ដល់យោធាមានអាសនៈដល់ទៅ១ភាគ៤ ក្នុងរដ្ឋសភាដើម្បីការពាររដ្ឋធម្មនុញ្ញ ប៉ុន្តែ លោកស្រី ស៊ូជី នៅតែអនុវត្តគោលនយោបាយដ៏ឆ្លាតវៃក្នុងការដឹកនាំប្រទេសជាតិតាម បែបប្រជាធិបតេយ្យពិតប្រាកដ ៕
ប្រែសម្រួល៖ ម៉ែវ សាធី
